বাংলাদেশ আৰু ম্যানমাৰ সীমান্তত বৃদ্ধি পাইছে উত্তেজনা ।ম্যানমাৰত থকা আৰাকান আৰ্মীৰ লগত বাংলাদেশী সেনাৰ সংঘাত বৃদ্ধি পোৱাৰ খবৰ পোৱা গৈছে।
এই সংঘাতৰ মাজতে আৰাকান আৰ্মীয়ে ইতিমধ্যে বাংলাদেশ-ম্যানমাৰ সীমান্ত ৰাকাইন প্ৰদেশ দখল কৰিছে। ৰাকাইন প্ৰদেশ দখলৰ পিছত এতিয়া আৰাকান আৰ্মী আগবাঢ়িছে বাংলাদেশৰ দিশে।
ইতিমধ্যে বাংলাদেশৰ তেকনাফৰ কিছু অংশ আৰাকান আৰ্মীৰ দখলত যোৱা বুলি জানিব পৰা গৈছে। ইমানেই নহয় আৰাকান আৰ্মীয়ে নাফ নদীত নাও চলাচল নিষিদ্ধ কৰিছে।
বাংলাদেশৰ কক্স বজাৰত থকা ৰোহিংগীয়া শিবিৰৰ একেবাৰে কাষ পাইছেহি আৰাকান আৰ্মী । অৱশ্যে ইউনুছৰ চৰকাৰ এইক্ষেত্ৰত সম্পূৰ্ণৰূপে নিমাত হৈ আছে।
আৰাকান আৰ্মীৰ দাবী বাংলাদেশৰ ৰোহিংগীয়া শিবিৰত আছে বহু জেহাদী। ইয়াৰ বিৰুদ্ধে আৰাকান আৰ্মীয়ে ব্যৱস্থা ল’ব। এই জেহাদীসমূহে বাংলাদেশত থকা বৌদ্ধ আৰু হিন্দুৰ ওপৰত ভয়াৱহ ঘটনা সংঘটিত কৰিছে।
এই কাৰ্য বন্ধ কৰাৰ দাবী কৰিছে আৰাকান আৰ্মীয়ে। যাৰ বাবে এতিয়া শলঠেকত পৰিছে মহম্মদ ইউনুছৰ চৰকাৰ।এদিন পূৰ্বে বাংলাদেশ চৰকাৰৰ প্ৰতিনিধিয়ে প্ৰকাশ কৰিছিলে এখন বিতৰ্কিত মানচিত্ৰ।
সেই মানচিত্ৰ অনুসৰি ত্ৰিপুৰা, অসম আৰু পশ্চিম বংগৰ এটা অংশ বাংলাদেশৰ বুলি দাবী কৰিছিল চৰকাৰৰ প্ৰতিনিধিয়ে।
শীঘ্ৰেই অসম দখল কৰিব বুলিও হুংকাৰ দিছিল বাংলাদেশৰ একাংশই। কিন্তু অসম দখল কৰিব বুলি কোৱা সেই বাংলাদেশেই এতিয়া বিপদত পৰিছে।
