দেওবাৰে পুৱা বলীউডৰ ছুপাৰষ্টাৰ ছলমান খানক মুম্বাই বিমানবন্দৰত দেখা গৈছিল, কিন্তু ছলমান খানৰ দীৰ্ঘদিনীয়া দেহৰক্ষী শ্বেৰাৰ সৈতে তেওঁৰ ৰাজহুৱা উপস্থিতিয়ে অনলাইনত এক ধুমুহাৰ সৃষ্টি কৰিছে।
এই ঘটনাৰ এটা ভিডিঅ’ ইতিমধ্যে সামাজিক মাধ্যমত ভাইৰেল হৈছে, য’ত শ্বেৰাই খঙেৰে ছলমানৰ বাবে বাট মুকলি কৰি আছে, ফটোগ্ৰাফাৰক চিঞৰি চিঞৰি ঠেলি দিয়াও দেখা গৈছে। শ্বেৰাই এই কামটো কৰি আছিল যাতে তেওঁৰ মালিক কোনো অসুবিধাৰ সন্মুখীন নহয়।
শ্বেৰাৰ নিয়ন্ত্ৰণত ছলমানে কোনো হস্তক্ষেপ কৰা নাছিল, ছ’চিয়েল মিডিয়া প্লেটফৰ্মত ভাইৰেল হোৱা ভিডিঅ’টোত দেখা গৈছে অভিনেতাজন আগবাঢ়ি যোৱাৰ সময়ত শ্বেৰাক চিঞৰি থকা শুনা গৈছিল।
তেওঁ কৈছিল যে ‘মই কাকো নিবিচাৰো…’ তাৰ কিছু সময়ৰ পাছত, তেওঁ ফটোগ্ৰাফাৰসকলক আদেশ দিয়ে, ‘ ‘সকলো ইয়ালৈ আহক, আমি যাওঁ!’ আৰু তীক্ষ্ণ চাৱনি দেখুৱাই।
অভিনেতা গৰাকীয়ে সংবাদ মাধ্যমক স্বীকাৰ নকৰাকৈয়ে , চৌপাশৰ বিশৃংখলতাৰ প্ৰতি কোনো প্ৰতিক্ৰিয়া নিদিয়াকৈয়ে নিজৰ গাড়ীৰ ওচৰলৈ যোৱা দেখা গৈছে।
দেহৰক্ষী শ্বেৰাক প্ৰায়ে ছুপাৰষ্টাৰগৰাকীক ভিৰ আৰু অনুৰাগীৰ পৰা ৰক্ষা কৰা দেখা যায়, কিন্তু শেহতীয়া তেওঁৰ আক্ৰমণাত্মক ৰূপটো আগতে কেতিয়াও দেখা পোৱা নাছিল, যিটো এতিয়া ভিডিঅ’টোত দেখা গৈছে।
ভিডিঅ’টো ভাইৰেল হোৱাৰ পিছতে অনুৰাগী সকলে দেহৰক্ষী শ্বেৰাক তীক্ষ্ণ ভাষাৰে সমালোচনা কৰা দেখা গৈছে।
