আপোনাৰ প্ৰিয় গাঁও ফুলেৰা পুনৰ গুঞ্জৰিত হৈ উঠিছে । প্ৰধানজীৰ পৰা সচিবজীলৈকে, প্ৰহ্লাদ আৰু বিকাশে গাঁওখনত আৰম্ভ কৰিছে দৃশ্যগ্ৰহণ । এই ছিজনটো প্ৰযোজনা কৰিছে দ্য ভাইৰেল ফিভাৰে (TVF)।
জনপ্ৰিয় অ’টিটি প্লেটফৰ্ম প্ৰাইম ভিডিঅ’ই ২৯ অক্টোবৰত ঘোষণা কৰিছিল যে আটাইতকৈ প্ৰতীক্ষিত অৰিজিনেল ছিৰিজ ‘পঞ্চায়ত’ৰ চতুৰ্থ চিজনৰ শ্বুটিং আৰম্ভ হৈছে । ছেটটোৰ পৰা কিছুমান ছবিও প্ৰকাশ পাইছে । ইয়াত ৰঘুবীৰ যাদৱ, জীতেন্দ্ৰ কুমাৰ, চন্দন ৰয় আৰু ফৈজল মালিকক শ্বুটিং কৰা দেখা গৈছে ।
মুখ্য চৰিত্ৰত জীতেন্দ্ৰ কুমাৰ-
‘পঞ্চায়ত ৪’ দীপক কুমাৰ মিশ্ৰৰ দ্বাৰা সৃষ্টি কৰা হৈছে, চন্দন কুমাৰৰ দ্বাৰা লিখা হৈছে, দীপক কুমাৰ মিশ্ৰ আৰু অক্ষত বিজয়বৰ্গীয়ে পৰিচালনা কৰিছে । ছিৰিজটোত জীতেন্দ্ৰ কুমাৰে সচিব হিচাপে মুখ্য চৰিত্ৰত অভিনয় কৰিছে ।
এই ছিজনত নতুন মুখ দেখা যাব-
ইয়াৰ উপৰিও প্ৰবীণ অভিনেতা ৰঘুবীৰ যাদৱ, নীনা গুপ্তা, সনবিকা, চন্দন ৰায়, ফৈছাল মালিক, দুৰ্গেশ কুমাৰ, সুনীতা ৰাজৱৰ, পংকজ ঝা আদিয়ে গুৰুত্বপূৰ্ণ চৰিত্ৰত অভিনয় কৰিছে । ইফালে মূল অভিনেতা-অভিনেত্ৰীৰ লগতে অনুৰাগীসকলে পঞ্চায়তত যোগদান কৰা নতুন চৰিত্ৰও দেখিবলৈ পাব পাৰে । ‘পঞ্চায়ত ছিজন ৪’ত দেখা যাব হৃদয়স্পৰ্শী হাস্যৰস, সুন্দৰ মুহূৰ্ত আৰু অনন্য ড্ৰামা ।
প্ৰথম ছিজন ২০২০ চনত আহিছিল-
২০২০ চনত পঞ্চায়তৰ প্ৰথম ছিজন আহিছিল আৰু যথেষ্ঠ সফল হৈছিল । ইয়াৰ দুবছৰৰ পিছত ২০২২ চনত দ্বিতীয় ছিজন আৰু দুবছৰৰ পিছত ২০২৪ চনত তৃতীয় ছিজন মুক্তি পায় । চতুৰ্থ ছিজন কেতিয়া মুক্তি পাব সেই সন্দৰ্ভত এতিয়াও নিৰ্মাতাই কোনো তথ্য দিয়া নাই ।
