শক্তিশালী অভিনয় আৰু জোৰদাৰ একচনৰ বাবে পৰিচিত চাউথৰ ছুপাৰষ্টাৰ আল্লু অৰ্জুন । যেতিয়াই তেওঁৰ নাম যিকোনো ছবিৰ লগত জড়িত হৈ থাকে তেতিয়াই মানুহৰ মনলৈ প্ৰথমে আহে তেওঁৰ মন পৰশা অভিনয় আৰু সাংঘাটিক একচন । ৫ ডিচেম্বৰত ছবিগৃহত মুক্তি পাবলৈ সাজু হৈছে আল্লু অৰ্জুনৰ ছবি পুষ্পা ২ । এই ছবিখনৰ বাবে সকলোৱে আগ্ৰহেৰে অপেক্ষা কৰি আছে । কিন্তু ইয়াৰ পূৰ্বে আমি আপোনালোকক কবলৈ ওলাইছো আল্লু অৰ্জুনৰ কেইখনমান বিশেষ ছবিৰ বিষয়ে যিয়ে তেওঁক ছুপাৰষ্টাৰ হিচাবে চিনাকী কৰাই দিলে । এই চিনেমাবোৰ আপুনি OTT ত চাব পাৰে ।
বেদম-
বেদম আল্লু অৰ্জুনৰ অন্যতম শ্ৰেষ্ঠ ছবি । এইখন তেলেগু ছবিখনত অনুষ্কা শেট্টী, মাঞ্চু মনোজ, মনোজ বাজপেয়ীয়ে তেওঁৰ সৈতে গুৰুত্বপূৰ্ণ চৰিত্ৰত অভিনয় কৰিছে । AHAত এই ছবিখন চাব পাৰিব ।
পাৰুগু-
এই ছবিখনতো আল্লু অৰ্জুনে নিজৰ অভিনয়েৰে দৰ্শকক আপ্লুত কৰিছিল । ছবিখনত আল্লু অৰ্জুনৰ সৈতে মুখ্য চৰিত্ৰত দেখা গৈছে শীলা কৌৰ আৰু প্ৰকাশ ৰাজক । গাঁৱৰ মুৰব্বীৰ কন্যা বিচাৰি উলিওৱাৰ কাম দিয়া কেইজনমান বন্ধুৰ কাহিনীৰে এই ছবিখন নিৰ্মিত হৈছে । পিছলৈ ছবিখনৰ পুনৰ্নিৰ্মাণ হিন্দী ভাষাত কৰা হয়, যাৰ নাম হিৰোপন্তী । নেটফ্লিক্সত এই ছবিখন চাব পাৰিব ।
আৰয়া ২
এই ছবিখন আৰয়াৰ ছিকুৱেল । সুকুমাৰে পৰিচালনা কৰা এইখন ৰোমান্টিক একচন ছবি । এই ছবিখনত আল্লু অৰ্জুনৰ সৈতে মুখ্য চৰিত্ৰত আছিল কাজল আগৰৱাল । এই ছবিখন আপুনি Zee5 ত চাব পাৰে ।
ৰেচ গুৰাম-
এই চলচ্চিত্ৰখনত আল্লু অৰ্জুন আৰু শ্ৰুতি হাছানে মুখ্য চৰিত্ৰত অভিনয় কৰিছে । এই চলচ্চিত্ৰখন দুজন ভাতৃৰ কাহিনী আছে যাৰ জীৱন ধাৰণৰ পদ্ধতি ইজনে সিজনৰ পৰা সম্পূৰ্ণ পৃথক । আপুনি এই ছবিখন SonyLiv আৰু ইউটিউবত চাব পাৰে ।
