পুনৰ জম্মু-কাশ্মীৰত সেনাৰ বাহনত আক্ৰমণ চলালে সন্ত্ৰাসবাদীয়ে। সোমবাৰে যোগৱানৰ শিৱচন মন্দিৰৰ ওচৰৰ বাট্টাল অঞ্চলত পুৱা ৭:২৫ বজাত সেনাৰ এখন এম্বুলেন্স আহি থকাৰ সময়তেই সন্ত্ৰাসবাদীৰ দলটোৱে গুলিবৰ্ষণ কৰে। তিনিৰ পৰা চাৰিজনীয়া সন্ত্ৰাসবাদীৰ দলটোৱে এম্বুলেন্সখনত ১৫ৰ পৰা ২০ ৰাউণ্ড গুলী চালনা কৰিছিল।অৱশ্যে, এতিয়ালৈকে কোনো লোক হতাহত হোৱাৰ খবৰ পোৱা নাই। এই ঘটনাৰ পিছত, আৰক্ষী আৰু সেনা সতৰ্ক হৈ পৰাৰ লগতে সমগ্ৰ অঞ্চলটোত এক তালাচী অভিযান চলোৱা হৈছে।ইয়াৰ পূৰ্বে বৃহস্পতিবাৰে গুলমাৰ্গৰ পৰা ৬ কিলোমিটাৰ দূৰত থকা বোটা পাথ্ৰী অঞ্চলত সন্ত্ৰাসবাদীয়ে সেনাৰ এখন বাহনত আক্ৰমণ কৰিছিল। য’ত দুজন সেনা শ্বহীদ হৈছিল।
নীলা তিমিতকৈও ডাঙৰ…প্ৰশান্ত মহাসাগৰত পোৱা গ’ল বিশ্বৰ সৰ্ববৃহৎ প্ৰবাল
November 21, 2024
