২৪ অক্টোবৰৰ পৰা পুনেৰ মহাৰাষ্ট্ৰ ক্ৰিকেট ষ্টেডিয়ামত ভাৰত আৰু নিউজীলেণ্ডৰ মাজত অনুষ্ঠিত হ’ব দ্বিতীয়খন টেষ্ট মেচ । বেংগালুৰুৰ প্ৰথমখন টেষ্ট মেচত জয়লাভ কৰি নিউজীলেণ্ডে শৃংখলাত ১-০ ব্যৱধানত অগ্ৰগতি লাভ কৰিছে । পুনেত অনুষ্ঠিত হ’বলগীয়া টেষ্ট মেচখনত টিম ইণ্ডিয়াৰ তাৰকা বেটছমেন বিৰাট কোহলীয়ে এক বৃহৎ কৃতিত্ব অৰ্জন কৰিব পাৰে । এই বিশেষ কৃতিত্ব অৰ্জনৰ নিচেই কাষত আছে তাৰকা বেটছমেনজন । ৫৫ ৰান সংগ্ৰহ কৰিয়েই তেওঁ এই কৃতিত্ব অৰ্জন কৰিবলৈ সক্ষম হ’ব ।
এই কৃতিত্ব অৰ্জন কৰিব বিৰাট কোহলীয়ে-
প্ৰকৃততে বিৰাট কোহলীয়ে পুনে টেষ্ট মেচৰ জৰিয়তে এছিয়াত ১৬,০০০ আন্তঃৰাষ্ট্ৰীয় ৰান সম্পূৰ্ণ কৰাৰ এক সুন্দৰ সুযোগ লাভ কৰিছে । এই কৃতিত্ব অৰ্জনৰ পৰা তেওঁ বেছি দূৰত নাই । ইয়াৰ বাবে তেওঁক মাত্ৰ ৫৫ ৰানৰ প্ৰয়োজন । এছিয়াত খেলি এই পৰ্যন্ত ১৫,৯৪৫ ৰান সংগ্ৰহ কৰিবলৈ সক্ষম হৈছে কোহলী । ৩০৮খন খেলৰ ৩৩৪ ইনিংছত এই ৰান সংগ্ৰহ কৰিছে তেওঁ । এই সময়ছোৱাত তেওঁৰ গড় আছিল ৫৭.৭৭ । এছিয়াত খেলি থকাৰ সময়ত তেওঁৰ নামত ৫২টা শতক আৰু ৭৮টা অৰ্ধশতকো আছে ।
কিংবদন্তিৰ ক্লাবত যোগদান কৰিব-
৫৫ ৰান সংগ্ৰহ কৰি কিংবদন্তিৰ ক্লাবত প্ৰৱেশ কৰিব বিৰাট কোহলীয়ে । তেওঁ এছিয়াত ১৬,০০০ বা তাতকৈ অধিক ৰান সংগ্ৰহ কৰা বেটছমেনৰ ক্লাবত যোগদান কৰিব । এই তালিকাৰ শীৰ্ষত আছে শচীন টেণ্ডুলকাৰ, যিয়ে ৪১১খন খেলৰ ৪৭৫ ইনিংছত ২১,৭৪১ ৰান সংগ্ৰহ কৰিছে । দ্বিতীয় স্থানত আছে শ্ৰীলংকাৰ প্ৰাক্তন অধিনায়ক কুমাৰ ছাংগাকাৰা, যিয়ে ৩৬২খন খেলৰ ৪১০ ইনিংছত ১৮,৪২৩ ৰান সংগ্ৰহ কৰিছে । তৃতীয় স্থানত আছে ৩৮৮খন খেলৰ ৪৩৯ ইনিংছত ১৭,৩৮৬ ৰান সংগ্ৰহ কৰা মহেলা জয়ৱৰ্ধনে । এই তালিকাত চতুৰ্থ স্থানত আছে বিৰাট ।
দ্বীতিয়জন ভাৰতীয়-
বিৰাট কোহলী এই কৃতিত্ব অৰ্জন কৰা ভাৰতৰ দ্বিতীয়জন বেটছমেন হ’ব । শচীন তেণ্ডুলকাৰ প্ৰথমজন ভাৰতীয় । শচীন তেণ্ডুলকাৰে এছিয়াত খেলি সৰ্বাধিক ৰাণ সংগ্ৰহ কৰিছে । তেওঁ এই ৰাণ ৫০.৯১ গড়ে সংগ্ৰহ কৰিছিল, যাৰ ভিতৰত আছিল ৭১ টা শতক আৰু ৯৭ টা অৰ্ধ-শতক ।
প্ৰথম টেষ্টত প্ৰদৰ্শন-
চলিত শৃংখলাটোৰ বিষয়ে ক’বলৈ গ’লে, প্ৰথম টেষ্টৰ প্ৰথম ইনিংছত বিৰাট কোহলীৰ একাউণ্ট খোল খোৱা হোৱা নাছিল, কিন্তু দ্বিতীয় ইনিংছত, এই তাৰকা বেটছমেনজনে এক সুন্দৰ প্ৰত্যাৱৰ্তন কৰে আৰু অৰ্ধশতক অৰ্জন কৰে । এইবছৰ টেষ্টত এইটো তেওঁৰ প্ৰথমটো অৰ্ধশতক আছিল । তেওঁ দ্বিতীয় ইনিংছত ৭০ ৰাণ সংগ্ৰহ কৰিছিল । এটা সময়ত এনে লাগিছিল যে বিৰাটে এই ইনিংছটো শতকলৈ ৰূপান্তৰ কৰিব, কিন্তু তৃতীয় দিনৰ শেষ বলটোত তেওঁ পেভিলিয়নলৈ উভতি আহিব লগা হৈছিল ।
