২০২৫ বৰ্ষটো দেশপ্ৰেম আৰু সেনাৰ সৈতে সম্পৰ্কিত অনুভূতিৰে আৰম্ভ হ’ব।ইয়াৰ কাৰণ হৈছে অক্ষয় কুমাৰৰ স্কাই ফ’ৰ্চৰ ট্ৰেইলাৰ ইতিমধ্যে মুকলি কৰা হৈছে।যিয়ে অনুৰাগীসকলক আকৰ্ষণীয় কৰিছে।
ছবিখনত অক্ষয়ৰ সৈতে চাৰা আলী খান আৰু বীৰ পাহাৰিয়াইও অভিনয় কৰিছে। বীৰে এই ছবিখনৰ জৰিয়তে বলীউডত আত্মপ্ৰকাশ কৰিবলৈ সাজু হৈছে।
স্কাই ফ’ৰ্চ নামটোতেই জানিব পৰা গৈছে যে, ই এখন দেশপ্ৰেমমূলক চলচ্চিত্ৰ।ছবিখনত অক্ষয় কুমাৰে সেনাৰ সাহসী বিষয়া টাইগাৰৰ চৰিত্ৰ আৰু বীৰ পাহাৰিয়া টেবিৰ চৰিত্ৰ ৰূপায়ণ কৰিছে।
চাৰা আলী খানে বীৰৰ পত্নীৰ চৰিত্ৰত অভিনয় কৰিছে। গোটেই কাহিনীটো ট্ৰেইলাৰৰ পৰা প্ৰায় স্পষ্ট যে ই পাকিস্তানৰ পৰা প্ৰতিশোধ লোৱা, এজন প্ৰতিশ্ৰুতিশীল বিষয়া হেৰাই যোৱা আৰু তাৰ পিছত সেই বেদনাৰ সৈতে যুঁজি থকাৰ।কিন্তু সেই বিষয়াজনৰ পিছত কি হয় এই ছবিখন চোৱাৰ পিছত হে জানিব পাৰিব।
ছবিখন জিঅ’ ষ্টুডিঅ’ৰ অধীনত দিনেশ বিজন, অমৰ কৌশিক আৰু জ্যোতি দেশপাণ্ডেৰ দ্বাৰা প্ৰযোজনা কৰা হৈছে। ছবিখন ২৪ জানুৱাৰীত মুক্তি পাব।ছবিখনক লৈ এতিয়া অপেক্ষা কৰিছে অক্ষয় কুমাৰৰ অনুৰাগী সকলে।
