ডিমৰীয়াৰ হঁহৰাত নৃশংস হত্যাকাণ্ড l ভিনিয়িহেকৰ চুৰিকাঘাতত প্ৰাণ গ’ল খুলশালীৰ। ভিনিহিয়েক ডিম্বেশ্বৰ বনিয়াই শনিবাৰে মাজনিশা সামান্য কথাতে তৰ্কত লিপ্ত হৈ চুৰিৰে হানি-খুচি হত্যা কৰে খুলশালী ধৰ্মেন্দ্ৰ মেধিক।ধৰ্মেন্দ্ৰ মেধিৰ গৃহৰ চোতালতেই সংঘটিত হয় এই নৃশংস হত্যাকাণ্ডটো। তেজেৰে লুতুৰি-পুতুৰি অৱস্থাত স্থানীয় ৰাইজে আৰক্ষীক খবৰ দি চিকিৎসালয়লৈ নিয়ে যদিও চিকিৎসালয়তে মৃত্যু হয় ধৰ্মেন্দ্ৰ মেধিৰ। ব্যৱসায়সূত্ৰে ধৰ্মেন্দ্ৰ মেধিৰ ঘৰৰ চৌহদতে অন্য এটা কোঠালীত বাস কৰিছিল হত্যাত অভিযুক্ত ডিম্বেশ্বৰ বনিয়া।নিশাই ঘটনাস্থলীত সোণাপুৰ আৰক্ষী উপস্থিত হৈ হত্যাত অভিযুক্ত ডিম্বেশ্বৰ বনিয়াক আটক কৰিছে।ঘটনা সন্দৰ্ভত তদন্ত অব্যাহত ৰাখিছে সোণাপুৰ আৰক্ষীয়ে।
