বহুতো মানুহৰ আহাৰৰ পিছত মিঠা কিবা এটা খোৱাৰ অভ্যাস আছে।চকলেট, আইচক্ৰীম বা যিকোনো মিঠাই হওঁক, নিশাৰ আহাৰৰ পিছত মিঠা কিবা এটা খোৱাত এক বিশেষ আনন্দ আছে।
অৱশ্যে, কেতিয়াবা কেতিয়াবা মিঠাই খোৱাত কোনো সমস্যা নাই,কিন্তু যদি এইটো আপোনাৰ অভ্যাস হৈ পৰিছে, তেন্তে আপুনি সাৱধান হ’ব লাগিব। নিশাৰ আহাৰৰ পিছত মিঠাই খোৱাৰ ফলত স্বাস্থ্যৰ বহুতো গুৰুতৰ সমস্যা হ’ব পাৰে।
দৰাচলতে, আমি যি মিঠা খাওঁ তাত যথেষ্ট পৰিমাণৰ চেনী থাকে।আমি সকলোৱে জানো যে অতিমাত্ৰা চেনী খোৱাটো স্বাস্থ্যপক্ষে হানিকাৰক। গতিকে প্ৰতি নিশা আহাৰৰ পিছত মিঠা খালে কি হয় জানো আহক
যেতিয়া আমি মিঠা খাওঁ তেতিয়া ৰক্ত শৰ্কৰাৰ স্তৰ বৃদ্ধি হয়।তাৰ কিছুসময়ৰৰ পিছত ই হ্ৰাস হয়।নিশাৰ এই খেলিমেলিৰ মাজত, টোপনি অসম্পূৰ্ণ হৈ থাকে।ৰাতি মিঠাই খালে আমাৰ টোপনি ব্যাহত হ’ব পাৰে।
ইয়াৰ ফলত পিছদিনা ৰাতিপুৱা যথেষ্ট ভাগৰুৱা অনুভৱ কৰা হয়।ইয়াৰ উপৰিও, নিশাৰ আহাৰৰ পিছত মিঠাই খোৱাটোৱে শৰীৰক নিজকে মেৰামতি আৰু পুনৰুদ্ধাৰকৰাৰ পৰিৱৰ্তে, ই গ্লুকোজক শক্তিলৈ ৰূপান্তৰ কৰাত ব্যস্ত থাকে।
কেইবাটাও অধ্যয়নে দেখুৱাইছে যে নিশা পলমকৈ মিঠাই খোৱাটোৱে ইনচুলিন সংবেদনশীলতা হ্ৰাস কৰে।যি বিপাকত প্ৰভাৱিত কৰে।ৰাতি অতি মাত্ৰা মিঠাই খালে দ্ৰুত গতিত ওজন বৃদ্ধি হয়।
মধুমেহ ৰোগীয়ে নিশাৰ আহাৰৰ পিছত মিঠা খালে স্বাস্থ্য সম্পৰ্কীয় সমস্যাই দেখা দিব পাৰে। নিশাৰ সময়ত অতিমাত্ৰা মিঠা খালে ৰক্ত শৰ্কৰাৰ স্তৰ বৃদ্ধি হয়। যাৰ ফলত স্নায়ুৰোগ, ৰেটিনোপেথি, আৰু বৃক্ক সম্পৰ্কীয় সমস্যা বৃদ্ধি হ’ব পাৰে।
(এই বাতৰিটো কেৱল আপোনাক সজাগ কৰাৰ উদ্দেশ্যেৰে লিখা হৈছে । বাতৰিটো পঢ়ি নিশ্চিতভাৱে ইয়াক গ্ৰহণ কৰাৰ পূৰ্বে চিকিৎসকৰ পৰামৰ্শ লওক।)
