নতুন বছৰলৈ মাজত মাত্ৰ তিনিটা দিন। নতুন বছৰ বুলি সকলোৰে পৰিকল্পনাৰ হয়টো অন্ত নাই। কিন্তু আপোনাৰ পৰিকল্পনাত বতৰে দিব পাৰে বিধি-পথালি। কাৰণ শীঘ্ৰেই নামিব পাৰে শীতৰ বৰষুণজাক।
ৰাজ্যত ১৫ জানুৱাৰী পৰ্যন্ত নামিব প্ৰচণ্ড শীত। দেশৰ প্ৰান্তে প্ৰান্তে কুঁৱলীৰ লগতে হ’ব পাৰে বৰষুণ। দেশৰ ১০ খনকৈ ৰাজ্যত জাৰি কৰা হৈছে অৰেঞ্জ এলাৰ্ট।
তাৰ সমান্তৰালকৈ অসম আৰু উত্তৰ-পূবতো জাৰি কৰা হৈছে ইয়েল্লো এলাৰ্ট।এই সময়ছোৱাত ব্যাপক হাৰত নামিব শীত।উত্তৰাখণ্ড, হিমাচল প্ৰদেশ, হাৰিয়ানা, চণ্ডীগড়, দিল্লী,পশ্চিম উত্তৰ প্ৰদেশ, পূব ৰাজস্থান আৰু পশ্চিম মধ্য প্ৰদেশত হ’ব বৰষুণ।
সমগ্ৰ দেশৰ বাবে এলাৰ্ট জাৰি কৰিছে IMDএ। এই বৰষুণৰ ফলতে উত্তৰ-পূবতো নামিব প্ৰচণ্ড শীত। ইফালে বৰঝাৰস্থিত আঞ্চলিক বতৰ বিজ্ঞান কেন্দ্ৰইও জাৰি কৰিছে এলাৰ্ট।
অৰুণাচল প্ৰদেশ, নাগালেণ্ড, মণিপুৰ, মিজোৰাম আৰু ত্ৰিপুৰাতো জাৰি কৰা হৈছে এলাৰ্ট। ৰাজ্যৰ প্ৰান্তে প্ৰান্তে পাতলীয়া বৰষুণ হোৱাৰো আশংকা কৰা হৈছে।
