লোকসভাত গৃহীত হ’ল ৱাকফ বিধেয়ক। এই বিধেয়কখনৰ সপক্ষে ২৮৮ টা ভোট আৰু বিপক্ষে ২৩২ টা ভোটৰ জৰিয়তে সদনে ইয়াক অনুমোদন জনায়।
এই গুৰুত্বপূৰ্ণ বিধেয়কখন গৃহীত কৰিবলৈ সদনৰ বৈঠক নিশা প্ৰায় ২ বজালৈকে চলি থাকিল।অৱশ্যে এই সন্দৰ্ভত ব্যাপক হুলস্থুলৰ সৃষ্টি হৈছে। বিৰোধীয়ে অহৰহ বিজেপি চৰকাৰক আক্ৰমণ চলাই আছে ।
ইয়াৰ মাজতে পশ্চিমবংগৰ মুখ্যমন্ত্ৰী মমতা বেনাৰ্জীয়ে কয় যে যেতিয়া বিজেপি নেতৃত্বাধীন চৰকাৰখন আঁতৰোৱা হ’ব আৰু নতুন চৰকাৰ গঠন হ’ব তেতিয়া এই ৱাকফ বিল বাতিল কৰিবলৈ সংশোধনী কৰা হ’ব।
তেওঁৰ পূৰ্বে কংগ্ৰেছ নেতা ৰছিদ আলভিয়ে কৈছিল যে আমাৰ চৰকাৰ গঠন হোৱাৰ লগে লগে আমি ৱাকফ আইন বাতিল কৰিম।
মমতা বেনাৰ্জীয়ে বৃহস্পতিবাৰে অভিযোগ কৰে যে বিজেপিয়ে দেশক বিভাজন কৰিবলৈ ৱাকফ (সংশোধনী) বিধেয়ক উত্থাপন কৰিছে।
বর্তমানৰ চৰকাৰখন অপসাৰণৰ পাছত নতুন কেন্দ্রীয় চৰকাৰে সংশোধনী বিধেয়ক আনি ইয়াক অকাৰ্যকৰী কৰি তুলিব বুলিও প্রতিশ্রুতি দিয়ে ৷
১২ ঘণ্টীয়া দীঘলীয়া বিতৰ্কৰ অন্তত বৃহস্পতিবাৰে পুৱা লোকসভাত ৱাকফ (সংশোধনী) বিধেয়কখন গৃহীত হয়।
সাংবাদিকৰ আগত বেনাৰ্জীয়ে কয় যে যেতিয়া বৰ্তমানৰ চৰকাৰখন আঁতৰাই নতুন চৰকাৰ গঠন হ’ব তেতিয়া আমি বিজেপিয়ে অনা এই বিলৰ বিৰোধিতা কৰিম। এই ৱাকফ বিধেয়কখন অকাৰ্যকৰী কৰিবলৈ আমি নতুন সংশোধনী আনিম।
বুধবাৰে এক বিবৃতিত বেনাৰ্জীয়ে বিজেপিক বিভাজনকাৰী এজেণ্ডাৰ বাবে সমালোচনা কৰে।তেওঁ অভিযোগ কৰে যে, ‘ৱাকফ বিলৰ বিৰোধিতা কৰিবলৈ দিল্লীত মোৰ সাংসদ উপস্থিত আছে।
জুমলা পাৰ্টিৰ এটাই এজেণ্ডা আছে – দেশক বিভাজন কৰা।তেওঁলোকে ‘বিভাজন আৰু শাসন’ত বিশ্বাস কৰে।শাসকীয় এন ডি এয়ে বিধেয়কখনৰ কঠোৰ পক্ষ লৈ সংখ্যালঘুৰ বাবে উপকাৰী আখ্যা দিছে। আনহাতে বিৰোধী দলসমূহে ইয়াক নিন্দা কৰি ইয়াক “মুছলমান বিৰোধী” বুলি অভিহিত কৰিছে।