ঝাৰখণ্ডত নিৰাপত্তা বাহিনীয়ে ৮টা নক্সালবাদী হত্যা কৰাৰ পিছত সোমবাৰে কেন্দ্ৰীয় গৃহমন্ত্ৰী অমিত শ্বাহে কয় যে চৰকাৰৰ নক্সালবাদ নিৰ্মূলৰ প্ৰতিশ্ৰুতি অটুট আছে । উল্লেখ্য যে, ঝাৰখণ্ডৰ বোকাৰো জিলাত চি আৰ পি এফ আৰু পুলিচৰ কোব্ৰা কমাণ্ডোৰ সৈতে হোৱা এনকাউণ্টাৰত আঠটা নক্সালবাদী নিহত হয়, য’ত এক কোটি টকাৰ পুৰস্কাৰ ঘোষণা কৰা এটা নক্সালবাদীও আছিল ।
আমাৰ নিৰাপত্তা বাহিনীৰ শলাগ লওক- অমিত শ্বাহ
কেন্দ্ৰীয় গৃহমন্ত্ৰীগৰাকীয়ে ছ’চিয়েল মিডিয়াত লিখিছে – ‘নক্সালবাদৰ অন্ত পেলোৱাৰ বাবে আমাৰ অভিযান অব্যাহত আছে । আজি নক্সালবাদক উভালি পেলোৱাৰ বাবে চলি থকা অভিযানত নিৰাপত্তা বাহিনীয়ে আন এক গুৰুত্বপূৰ্ণ সফলতা লাভ কৰিলে । ঝাৰখণ্ডৰ বোকাৰোৰ লুগু পাহাৰত হোৱা এনকাউণ্টাৰত নিহত হয় এক কোটি টকাৰ পুৰস্কাৰ থকা শীৰ্ষ পৰ্যায়ৰ নক্সাল নেতা বিবেককে ধৰি ৮টা মাওবাদী আৰু আন দুটা কুখ্যাত নক্সালবাদী । এই অভিযান অব্যাহত আছে । আমাৰ নিৰাপত্তা বাহিনীৰ শলাগ লওক ।‘
Our march to eliminate Naxalism continues unabated.
Today security forces achieved another significant success in the ongoing operation to uproot Naxalism. In an encounter at Lugu Hills in Bokaro, Jharkhand, 8 Maoists were neutralised, including a top-level naxal leader, Vivek,…— गृहमंत्री कार्यालय, HMO India (@HMOIndia) April 21, 2025
ঘটনাস্থলীৰ পৰা জব্দ কেইবাটাও ৰাইফল আৰু বন্দুক-
নিৰাপত্তা বাহিনীৰ এই অভিযানৰ বিষয়ে তথ্য দি বিষয়াসকলে কয় যে ২০৯ কমাণ্ডো বেটেলিয়ন ফৰ ৰিজ’লিউট একচন (কোব্ৰা)ৰ জোৱানসকলে ৰাজ্যিক আৰক্ষীৰ সহযোগত এই অভিযান চলাইছিল, য’ত আঠটা নক্সালবাদী নিহত হয় আৰু এটা এ কে ছিৰিজৰ ৰাইফল, তিনিটা ইনছাছ ৰাইফল, এটা চেল্ফ লোডিং ৰাইফল (এছ এল আৰ), আঠটা দেশত নিৰ্মিত বন্দুক আৰু এটা পিষ্টল জব্দ কৰা হৈছে ।
