পুৱাই প্ৰচণ্ড বিস্ফোৰণত কপি উঠিল দেশৰ ৰাজধানী দিল্লী। দিল্লীৰ প্ৰশান্ত বিহাৰত থকা পিভিআৰৰ ওচৰত এই বিস্ফোৰণটো সংঘটিত হৈছিল।
অগ্নি নিৰ্বাপক বিভাগৰ মতে, প্ৰশান্ত বিহাৰৰ বংশী মিঠাইৰ দোকানৰ সমীপত পুৱা প্ৰায় ১১.৪৮ বজাত এই ঘটনা সংঘটিত হৈছিল। ঘটনাস্থলীত ইতিমধ্যে আৰক্ষীৰ লোক উপস্থিত হৈ তদন্ত আৰম্ভ কৰিছে।
ঘটনাস্থলীলৈ চাৰিখন অগ্নি নিৰ্বাপকৰ বাহন ততাতৈয়াকৈ প্ৰেৰণ কৰা হৈছে।বিস্ফোৰণটোৰ পিছতেই চিন্তিত হৈ পৰিছে দিল্লীৰ আৰক্ষী।
কিয়নো এমাহ পূৰ্বে দিল্লীৰ ৰোহিণী অঞ্চলত একেধৰণৰ বিস্ফোৰণ সংঘটিত হৈছিল। ঘটনাস্থলীৰ পৰা আৰক্ষীয়ে বগা পাউডাৰ জাতীয় বস্তু উদ্ধাৰ কৰিছে।
এই ঘটনাৰ ফলত এজন লোক আহত হৈছে বুলি জানিব পৰা গৈছে।
