গুড্ডু পণ্ডিত আৰু মুন্না ভাইয়াৰ চৰিত্ৰ এতিয়া ৱেবচিৰিজত নহয় , দেখা পাব ডাঙৰ পৰ্দাত।এই ৱেবচিৰিজৰ প্ৰযোজক আৰু পৰিচালকসকলে ইয়াক এখন সম্পূৰ্ণ চলচ্চিত্ৰৰ আকাৰ দিয়াত চেষ্টা চলাই আছে। যাৰ বাবে তেওঁলোকে ছবিখনৰ টিজাৰো মুকলি কৰি দিছে।’মিৰ্জাপুৰ দ্য ফিল্ম’ৰ টিজাৰত গুড্ডু পণ্ডিত-মুন্না ভাইয়া আৰু কলিন দেখা পোৱা গৈছে।
তিনিওজনকে তেওঁলোকৰ পুৰণি চৰিত্ৰতে দেখা গৈছে।মিৰ্জাপুৰৰ তিনিওটা অংশ আমাজন প্ৰাইমত মুকলি কৰা হৈছিল, যিয়ে মানুহৰ পৰা যথেষ্ট মৰম পাইছিল। ফাৰহান আখটাৰ আৰু ৰীতেশ চিধৱানীয়ে এক্সেল গ্ৰুপৰ সহযোগত ইয়াক প্ৰযোজনা কৰি আছে।এই ছবিখনত পংকজ ত্ৰিপাঠী, আলী ফজল, দিব্যেন্দু শৰ্মা আৰু অভিষেক বেনাৰ্জীক পুনৰ দেখা যাব।টিজাৰ মুকলি হোৱাৰ লগে লগে কালেন ভাইয়াক ডাঙৰ পৰ্দাত দেখি বৰ উৎসাহিত হৈ পৰিছে দৰ্শক সকল।জানিব পৰা মতে ছবিখন ২০২৬ চনত মুক্তি পাব। ‘মিৰ্জাপুৰ দ্য ফিল্ম’ৰ টিজাৰ মুক্তি পোৱাৰ লগে লগেই সামাজিক মাধ্যমত ক্ৰমান্বয়ে ভাইৰেল হৈ পৰিছে।
