অসমীয়াৰ হেঁপাহৰ ৰঙালী বিহুলৈ মাজত মাত্ৰ ১ টা মাহ বাকি । তাৰ মাজতে বিহু সুৰক্ষা সমিতি অসমে লৈছে কেইবাটাও গুৰুত্বপূৰ্ণ সিদ্ধান্ত।
এই সিদ্ধান্ত অনুসৰি এতিয়াৰে পৰা মুকলি বিহু আৰু হুঁচৰি একত্ৰিত কৰিব নোৱাৰিব। হুঁচৰিত থাকিব নোৱাৰিব যুৱতী।কাৰণ হুঁচৰি কেৱল পুৰুষৰ বাবেহে।
তেওঁ লোকে কয় যে বিহু সন্মিলনত লোক শিল্পীক আগ্ৰাধিকাৰ দিব লাগিব, মনোৰঞ্জনৰ নামত কাৰোবাক উঠাই দি লোক সংস্কৃতিক পাহৰিব নালাগে।
বিহু সম্ৰাট, বিহু ৰাণী, বিহু কুঁৱৰীৰ দৰে উপাধি গ্ৰহণযোগ্যতা নাই, এতিয়া ৰজাৰ দিন নাই, গতিকে এই উপাধি বৰ্জন কৰিব লাগিব বুলিও মন্তব্য কৰে তেওঁলোকে। বিয়া নোহোৱা যুৱতীয়ে বিহু ৰাণী হ’ব নোৱাৰিব।
১২ বজাৰ পূৰ্বে শেষ কৰিব লাগিব বিহু অনুষ্ঠান ।জেঠ মাহ পৰ্যন্ত বিহুৰ অনুষ্ঠান চলিব নালাগে, ১৫ দিনৰ ভিতৰত গুৱাহাটীৰ বাহিৰত বিহু অনুষ্ঠান শেষ হ’ব লাগে।
বিহু উদযাপন সমিতিয়ে লং পেন্ট আৰু পাঞ্জাৱী চোলা পিন্ধিব নোৱাৰিব। তেওঁলোকে জাতীয় সাজ-পাৰ পৰিধান কৰিব লাগিব।বিচাৰকক উপযুক্ত মাননি দিব লাগিব।
ইয়াৰ লগতে বিহু অনুষ্ঠান আধুনিকতাৰ পৰিৱৰ্তে বিহু হুচৰি পৰিবেশন কৰিবলৈ আহ্বান বিহু সুৰক্ষা সমিতি অসমে। বিহু সুৰক্ষা সমিতি অসমৰ কেন্দ্ৰীয় কৰ্ণধাৰ সমিতিৰ সদস্য পবিত্ৰ কুমাৰ শৰ্মা আৰু সম্পাদক প্ৰধান ৰেৱ বৰাই সংবাদ মাধ্যমৰ জৰিয়তে জনাইছে এই আহ্বান।
