গুজৰাটৰ জামনগৰত এখন যুদ্ধ বিমান দুৰ্ঘটনাগ্ৰস্ত হৈছে।প্ৰতিৰক্ষা সূত্ৰৰ মতে, সুৱৰ্দা গাঁৱৰ বাহিৰৰ অঞ্চলত সংঘটিত হৈছে এই দুৰ্ঘটনাটো।
য’ত জাগুয়াৰ যুঁজাৰু বিমানখন দুৰ্ঘটনাগ্ৰস্ত হৈ কেইবা টুকুৰাও হৈ গৈছে। বিমানখনৰ টুকুৰাবোৰ বহু দূৰলৈ চিটিকি পৰিছিল।দুৰ্ঘটনাটোৰ পিছতে ধোঁৱাৰে সমগ্ৰ অঞ্চলটোত বিয়পি পৰে।
এই ঘটনাৰ এটা ভিডিঅ’ও প্ৰকাশ পাইছে, য’ত পাইলটজন আঘাতপ্ৰাপ্ত হৈ মাটিত পৰি আছে আৰু তেওঁৰ চাৰিওফালে মানুহৰ ভিৰ গোট খাইছে।
ঘটনা সন্দৰ্ভত তথ্য লাভ কৰাৰ লগে লগে আৰক্ষী প্ৰশাসন সেই স্থানত উপস্থিত হৈ পৰিস্থিতি নিয়ন্ত্ৰণ কৰে।পাইলটজনক ততাতৈয়াকৈ চিকিৎসালয়লৈ প্ৰেৰণ কৰা হয়।বায়ুসেনাৰ শীৰ্ষ বিষয়াসকলেও সেই স্থানত উপস্থিত হৈ দুৰ্ঘটনাৰ কাৰণসমূহৰ তদন্ত আৰম্ভ কৰে।
