গাজাৰ দাবী : “ইজৰাইলে ইচ্ছাকৃতভাৱে লক্ষ্য কৰে মহিলা আৰু শিশুসকলক”

ইজৰাইলী বিমান আৰু আৰ্টিলাৰী আক্ৰমণে গাজা ষ্ট্ৰিপৰ কেন্দ্ৰীয় অংশত থকা নুচেৰাট শৰণাৰ্থী শিবিৰক লক্ষ্য কৰি লৈছিল, য’ত কমেও ৪২ জন ফিলিস্তিনি নিহত হৈছিল আৰু ১৫০ তকৈও অধিক আহত হৈছিল।এই তথ্য ফিলিস্তিনি চিকিৎসা সূত্ৰৰ দ্বাৰা দিয়া হৈছিল।ফিলিস্তিনি সুৰক্ষা সূত্ৰৰ মতে, ইজৰাইলী সেনাই শুক্ৰবাৰে ৰাতিপুৱাৰ পৰা নুচেৰাটৰ ঘৰবোৰত বায়ু আৰু আৰ্টিলাৰীৰে আক্ৰমণ আৰম্ভ কৰে।গাজা চৰকাৰে এই আক্ৰমণক গৰিহণা দিয়ে আৰু কয় যে তেওঁলোকে ইচ্ছাকৃতভাৱে মহিলা আৰু শিশুকে ধৰি সাধাৰণ লোকসকলক লক্ষ্য কৰি লৈছে। তেওঁলোকে আন্তঃৰাষ্ট্ৰীয় সম্প্ৰদায়ক আহ্বান কৰিছে যে  গাজাৰ নাগৰিকসকলৰ ওপৰত এই আক্ৰমণ বন্ধ কৰিবলৈ ইজৰাইলৰ ওপৰত হেঁচা প্ৰয়োগ কৰিব লাগে।শনিবাৰে, ইজৰাইলী প্ৰতিৰক্ষা বাহিনীয়ে (আইডিএফ) এক বিবৃতিত কৈছিল যে ৰাফা আৰু গাজাৰ কেন্দ্ৰীয় অংশত, তেওঁলোকে উগ্ৰপন্থীসকলক হত্যা কৰিবলৈ, তেওঁলোকৰ গোপন ঠিকনাবোৰ শেষ কৰিবলৈ কৰিবলৈ আৰু অস্ত্ৰ-শস্ত্ৰ বিচাৰি উলিয়াবলৈ অভিযান চলাইছিল।উজৰাইলে ২০২৩ চনৰ ৭ অক্টোবৰত গাজাৰ পৰা হামাছৰ ফালৰ পৰা কৰা আক্ৰমণৰ উত্তৰত গাজা ষ্ট্ৰিপত বৃহৎ পৰিমাণৰ অভিযান আৰম্ভ কৰিছে।সেই আক্ৰমণত প্ৰায় ১,২০০ জন লোক নিহত হৈছিল আৰু প্ৰায় ২৫০ জন লোকক বন্দী কৰি ৰখা হৈছিল। গাজা স্বাস্থ্য কৰ্তৃপক্ষৰ মতে, ইজৰাইলী আক্ৰমণত নিহত ফিলিস্তিনিৰ সংখ্যা ৪৩,৩১৪ লৈ বৃদ্ধি পাইছে।