বিভিন্ন বিষয়ৰ কাহিনীক লৈ নিৰ্মাণ হয় বলিউডৰ চিনেমা । এই চলচ্চিত্ৰসমূহৰ কাহিনীবোৰে দৰ্শকসকলক বহু পৰিমাণে অনুপ্ৰাণিত তথা প্ৰভাৱিত কৰা পৰিলক্ষিত হয় । আজি, বিশ্ব খাদ্য দিৱস ২০২৪-ত, আমি আপোনাক জনাম খাদ্য আৰু চেফ তথা ৰান্ধনীক কেন্দ্ৰ কৰি নিৰ্মাণ হোৱা কেইখনমান বলিউড চলচ্চিত্ৰ আৰু ইয়াৰ কাহিনীবোৰৰ বিষয়ে ।
দ্য লাঞ্চ বক্স (The Lunch Box)-
ইৰফান খান আৰু নিম্ৰাট কৌৰ অভিনীত এই চলচ্চিত্ৰখনৰ কাহিনী এটা লাঞ্চ বক্সৰ বা টিফিন বক্সৰ সৈতে সম্পৰ্কিত । খাদ্য আৰু লাঞ্চ বক্সক কেন্দ্ৰ কৰিয়েই চলচ্চিত্ৰখনৰ মূল কাহিনী । দৰ্শকে ছবিখনৰ যথেষ্ট প্ৰশংসা কৰিছিল । ছবিখনত ইৰফান খানৰ অভিনয় যথেষ্ট প্ৰশংসিত হৈছিল । ছবিখনত নৱাজুদ্দিন ছিদ্দিকীয়েও অভিনয় কৰিছে ।
লাভ শুভ তে চিকেন খুৰানা(Luv Shuv Tey Chicken Khurana)-
এই চলচ্চিত্ৰখন এজন ব্যক্তিৰ ওপৰত আধাৰিত যি টকা উপাৰ্জন কৰিবলৈ বিদেশলৈ যায় আৰু পিছত নিজৰ ৰেষ্টুৰেণ্ট খুলিবলৈ ভাৰতলৈ উভতি আহে । ছবিখনত কুনাল কাপুৰ আৰু হুমা কুৰেছিয়ে অভিনয় কৰিছে । এই ছবিখন পৰিচালনা কৰিছে নৱাগত সমীৰ শৰ্মাই ।
চেফ (Chef)-
২০১৭ চনৰ কমেডি-ড্ৰামা ছবি ‘চেফ’ত, চেইফ আলী খানে মুখ্য চৰিত্ৰত অভিনয় কৰিছে । এই চলচ্চিত্ৰখনত, ছেইফে এজন ৰান্ধনী তথা চেফৰ চৰিত্ৰত অভিনয় কৰিছিল যি তেওঁৰ কেৰিয়াৰৰ প্ৰতি উৎসাহী । ইয়াৰ বাবে তেওঁ পৰিয়ালৰ পৰা আঁতৰি থাকে । ছবিখন পৰিচালনা কৰিছিল ৰাজা কৃষ্ণ মেননে ।
দাৱত-ই-ইশ্ক (Daawat-e-Ishq)-
পৰিণীতি চোপ্ৰা আৰু আদিত্য ৰয় কাপুৰ অভিনীত ছবি দাৱত-ই-ইশ্ক ছবিখন অনুৰাগীসকলে প্ৰশংসা কৰিছিল । চলচ্চিত্ৰখনত আদিত্য ৰয় কাপুৰে এজন ৰান্ধনীৰ চৰিত্ৰত অভিনয় কৰিছে, যি কেৱল লক্ষ্ণৌৰ এখন ডাঙৰ হোটেলৰ গৰাকীয়েই নহয়, এজন ৰান্ধনীও । ২০১৪ চনৰ ৰোমাণ্টিক কমেডি চলচ্চিত্ৰখনত লক্ষ্ণৌৰ বিখ্যাত ব্যঞ্জনৰ কথাও উল্লেখ কৰা হৈছে । ইয়াৰ উপৰিও, ইয়াৰ গীতবোৰত কেইবাটাও খাদ্য সামগ্ৰীৰ নামো আছে ।
