৫ নৱেম্বৰত টিম ইণ্ডিয়াৰ প্ৰাক্তন অধিনায়ক বিৰাট কোহলীয়ে ৩৬ বছৰীয়া জন্মদিন উদযাপন কৰে । ক্ৰিকেট পিটছত বেটেৰে বিধ্বংসী ৰূপ ধাৰণ কৰা বিৰাট উপাৰ্জনৰ ক্ষেত্ৰতো শীৰ্ষত আছে । শেহতীয়াকৈ ফৰ্চুন ইণ্ডিয়াই বিৰাট কোহলীক দেশৰ ধনী ভাৰতীয়ৰ তালিকাত অন্তৰ্ভুক্ত কৰিছে । বিলাসী জীৱনশৈলীৰে জীৱন নিৰ্বাহ কৰা কোহলীৰ আনুমানিক ১০০০ কোটিৰো অধিক সম্পত্তি আছে ।
কিমান সম্পত্তিৰ মালিক বিৰাট ?
১৯৮৮ চনৰ ৫ নৱেম্বৰত জন্মগ্ৰহণ কৰা বিৰাট কোহলীয়ে ক্ৰিকেট জগতত এক সুকীয়া পৰিচয় গঢ়ি তুলিছে আৰু ক্ৰিকেট পিটছত যেনেকৈ তেওঁৰ বেটৰ পৰা ৰাণ আহি থাকে, উপাৰ্জনৰ ক্ষেত্ৰতো তেওঁ আগবাঢ়ি আছে । ক্ৰিকেটৰ পৰা উপাৰ্জন কৰাৰ উপৰিও ছ’চিয়েল মিডিয়া, ব্ৰেণ্ড এণ্ডাৰছমেণ্ট আৰু বিভিন্ন বিনিয়োগৰ জৰিয়তে তেওঁ বহু টকা উপাৰ্জন কৰে । খবৰ অনুসৰি বিৰাট কোহলীৰ মুঠ সম্পত্তিৰ পৰিমাণ প্ৰায় ১২৭ মিলিয়ন ডলাৰ অৰ্থাৎ প্ৰায় ১০৪৬ কোটি টকা । বিৰাটৰ বাৰ্ষিক গড় উপাৰ্জন প্ৰায় ১৫ কোটি টকা । আনহাতে এমাহত তেওঁ প্ৰায় ১,২৫,০০,০০০ টকা উপাৰ্জন কৰে ।
বিৰাট কোহলীয়ে কিমান উপাৰ্জন কৰে ?
বিৰাট কোহলীয়ে ক্ৰিকেটৰ জৰিয়তে কোটি কোটি উপাৰ্জন কৰাৰ বিপৰীতে তেওঁ বহু কোম্পানীৰ ব্ৰেণ্ড এম্বেছাদৰো । কেৱল এয়াই নহয়, বিৰাট কোহলীয়ে বহু কোম্পানীত বিনিয়োগ কৰিছে, য’ৰ পৰা তেওঁ বিপুল ৰিটাৰ্ণ লাভ কৰে । বাতৰি অনুসৰি বিৰাট কোহলীয়ে টেষ্টৰ বাবে ১৫ লাখ, এদিনীয়াৰ বাবে ৬ লাখ আৰু টি-২০ৰ বাবে ৩ লাখ টকা লাভ কৰে, আনহাতে বি চি চি আইৰ A+ চুক্তিৰ জৰিয়তে বছৰি ৭ কোটি টকা লাভ কৰে । ছ’চিয়েল মিডিয়াৰ জৰিয়তে তেওঁ বহুত টকা উপাৰ্জন কৰে । বিৰাট কোহলীৰ ইনষ্টাগ্ৰামত প্ৰায় ২৬ কোটি ফ’ল’ৱাৰ আছে আৰু এটা পোষ্টৰ বাবে ৬-১১ কোটি টকা লাভ কৰে ।
আনকি কৰ পৰিশোধৰ ক্ষেত্ৰতো আগবাঢ়িছে-
ক্ৰিকেট জগতৰ মহান খেলুৱৈৰ ভিতৰত সৰ্বাধিক কৰদাতাৰ তালিকাতো আগবাঢ়ি আছে বিৰাট কোহলী । ছেপ্টেম্বৰ মাহত ফৰ্চুন ইণ্ডিয়াই প্ৰকাশ কৰা তালিকা অনুসৰি ২০২৪ বিত্তীয় বৰ্ষত টিম ইণ্ডিয়াৰ প্ৰাক্তন অধিনায়ক বিৰাট কোহলীয়ে ৬৬ কোটি টকাৰ এডভান্স টেক্স দিছে ।
বিজ্ঞাপন আৰু বিনিয়োগৰ পৰা উপাৰ্জন-
প্ৰবীণ ভাৰতীয় ক্ৰিকেটাৰ বিৰাট কোহলীয়ে বহু কোম্পানীত (বিৰাট ইনভেষ্টমেণ্ট) বিনিয়োগ কৰিছে, য’ৰ পৰা তেওঁ উৎকৃষ্ট ৰিটাৰ্ণ লাভ কৰি থাকে । ইয়াৰ উপৰিও তেওঁৰ উপাৰ্জনৰ এটা ডাঙৰ অংশ এণ্ডাৰছমেণ্টৰ পৰাও আহে । বিৰাট মান্যৱৰ, এম পি এল, পেপচি, ফিলিপছ, ফাষ্ট্ৰেক, বুষ্ট, অ’ডি, এম আৰ এফ, হিৰো, ভলভ’লাইন, পুমা আদি ব্ৰেণ্ডৰ বিজ্ঞাপনৰ পৰা বহু টকা উপাৰ্জন কৰে তেওঁ । ইফালে তেওঁ Blue Tribe, Chisel Fitness, Nueva, Galactus Funware Technology Pvt. Ltd, Sport Convo আৰু Digit দৰে কোম্পানীৰ শ্বেয়াৰত বিনিয়োগ কৰিছে ।
বিলাসী জীৱনশৈলী আৰু ব্যয়বহুল গাড়ী-
বিৰাট কোহলীৰ উপাৰ্জনৰ মতে তেওঁৰ জীৱনশৈলীও অতি বিলাসী । তেওঁৰ গাড়ীৰ সংগ্ৰহ চাই এই কথা অনুমান কৰিব পাৰি । কোহলীৰ গাড়ী সংগ্ৰহত বহু বিলাসী আৰু দামী গাড়ী আছে । খবৰ অনুসৰি তেওঁৰ সংগ্ৰহত আছে Audi Q7 (প্ৰায় ৭০ৰ পৰা ৮০ লাখ টকা), Audi RS5 (প্ৰায় ১.১ কোটি টকা), Audi R8 LMX (প্ৰায় ২.৯৭ কোটি টকা), Audi A8L W12 Quattro’ (প্ৰায় ১.৯৮ কোটি টকা), Land Rover Vogue (প্ৰায় ২.২৬ কোটি টকা)।
