বি আৰ আম্বেদকাৰ সন্দৰ্ভত গৃহমন্ত্ৰী অমিত শ্বাহে দিয়া বিবৃতিক লৈ দেশৰ ৰাজনীতি উত্তপ্ত হৈ পৰিছে । কংগ্ৰেছকে ধৰি সকলো বিৰোধী দলে এই বিষয়টো সন্দৰ্ভত বিজেপিক ক্ষমা বিচাৰিবলৈ দাবী জনাইছে । ইফালে, প্ৰধানমন্ত্ৰী নৰেন্দ্ৰ মোদীয়ে আম্বেদকাৰৰ বিষয়টোক লৈ কংগ্ৰেছক লক্ষ্য কৰি লয় । এই বিতৰ্ক সন্দৰ্ভত তেওঁ কয়, “কংগ্ৰেছে আম্বেদকাৰক কৰা অপমান লুকুৱাব নোৱাৰে । এটা ৰাজবংশৰ নেতৃত্বত এটা দলে আম্বেদকাৰৰ উত্তৰাধিকাৰীক মচি পেলাবলৈ চেষ্টা কৰিছিল ।”
‘কংগ্ৰেছে আম্বেদকাৰৰ উত্তৰাধিকাৰ মচি পেলাবলৈ চেষ্টা কৰিছিল’
ছ’চিয়েল মিডিয়া প্লেটফৰ্ম এক্সত প্ৰধানমন্ত্ৰী মোদীয়ে এক পোষ্টত কয় যে ভাৰতৰ জনসাধাৰণে বাৰে বাৰে দেখিছে যে কেনেকৈ এটা বংশৰ নেতৃত্বত এটা দলে ড০ আম্বেদকাৰৰ উত্তৰাধিকাৰ মচি পেলাবলৈ আৰু অনুসূচিত জাতি/জনজাতি সম্প্ৰদায়ক অপমান কৰিবলৈ সম্ভৱ প্ৰতিটো লেতেৰা কৌশল ব্যৱহাৰ কৰিছে । কংগ্ৰেছে নিৰ্বাচনত বাবা চাহেবক দুবাৰকৈ পৰাজিত কৰিবলৈ চেষ্টা কৰিছিল । পণ্ডিত নেহৰুৱে তেওঁৰ বিৰুদ্ধে প্ৰচাৰ চলাইছিল আৰু তেওঁৰ পৰাজয়ক সন্মানৰ বিষয় কৰি তুলিছিল । তেওঁৰ ভাৰত ৰত্ন প্ৰত্যাখ্যান কৰা হৈছিল । কংগ্ৰেছে তেওঁৰ প্ৰতিকৃতিক সংসদৰ কেন্দ্ৰীয় হলত গৌৰৱৰ স্থান দিবলৈ অস্বীকাৰ কৰিছিল ।“
If the Congress and its rotten ecosystem think their malicious lies can hide their misdeeds of several years, especially their insult towards Dr. Ambedkar, they are gravely mistaken!
The people of India have seen time and again how one Party, led by one dynasty, has indulged in…— Narendra Modi (@narendramodi) December 18, 2024
প্ৰধানমন্ত্ৰী মোদীয়ে কয়, “সংসদত গৃহমন্ত্ৰী অমিত শ্বাহে ড০ আম্বেদকাৰক অপমান কৰা আৰু অনুসূচীত জাতি/জনজাতি সম্প্ৰদায়ক উপেক্ষা কৰাৰ কংগ্ৰেছৰ অন্ধকাৰ ইতিহাস উন্মোচন কৰে । তেওঁ উপস্থাপন কৰা তথ্যবোৰক লৈ কংগ্ৰেছ উদ্বিগ্ন হৈ পৰিছে আৰু সেয়েহে তেওঁলোকে এতিয়া নাটক কৰি আছে ।”
অমিত শ্বাহৰ কোনটো বক্তব্যই হুলস্থুলৰ সৃষ্টি কৰিলে ?
সংসদত গৃহমন্ত্ৰী অমিত শ্বাহে দেশৰ প্ৰথম প্ৰধানমন্ত্ৰী জৱাহৰলাল নেহৰুৰ প্ৰথম মন্ত্ৰীসভাৰ পৰা বি আৰ আম্বেদকাৰে পদত্যাগ কৰাৰ কথা উল্লেখ কৰিছিল । কংগ্ৰেছৰ ফালে আঙুলিয়াই তেওঁ প্ৰশ্ন কৰে যে দেশৰ প্ৰথম মন্ত্ৰীসভাৰ পৰা আম্বেদকাৰে কিয় পদত্যাগ কৰিলে ? তেওঁ ক’লে, “এতিয়া আপুনি লাগিলে এশবাৰতকৈও অধিক আম্বেদকাৰৰ নাম লওক, কিন্তু একে সময়তে, আম্বেদকাৰৰ প্ৰতি আপোনালোকৰ কি অনুভৱ সেয়াও কওক ।”
