দীঘল, ডাঠ আৰু ক’লা চুলিয়ে সৌন্দৰ্য ৪ গুণ বৃদ্ধি কৰে। যদি চুলি দীঘল আৰু শক্তিশালী কৰিব বিচাৰে, তেন্তে আপুনি ঔষধি গুণেৰে সমৃদ্ধ আমলখি তেল প্ৰয়োগ কৰা আৰম্ভ কৰিব পাৰে। সপ্তাহত দুবাৰ চুলি ধোৱাৰ পূৰ্বে এই ভেষজ তেল প্ৰয়োগ কৰক আৰু মাত্ৰ এমাহৰ ভিতৰত ইতিবাচক প্ৰভাৱ চাওক।
আমলখি তেল তৈয়াৰ কৰিপিচিবলৈ, আপোনাক আমলখি, নাৰিকল আৰু জলফাইৰ তেলৰ প্ৰয়োজন হ’ব। প্ৰথমে, আমলখিখিনি ভালদৰে খুন্দি লওক। এতিয়া খুন্দি লোৱা আমলখি খিনি ভালদৰে চেপি ইয়াৰ ৰস উলিয়াওক। এটা বাটিত দুই চামুচ আমলখিৰ ৰস, চাৰি চামুচ নাৰিকল তেল আৰু প্ৰায় চাৰি চামুচ জলফাই তেল লৈ মিহলি কৰক।
এই মিশ্ৰণটো কম জুইত ১৫ ৰ পৰা ২০ মিনিটৰ বাবে গৰম কৰক। তেলখিনি ঠাণ্ডা হোৱাৰ পিছত, এটা গ্লাছৰ পাত্ৰত বতাহ সোমাব নোৱাৰাকৈ সংৰক্ষণ কৰিব পাৰে। আপুনি সপ্তাহত দুবাৰ কৈ ৰাতি এই তেল প্ৰয়োগ কৰি পিছদিনা চুলি ধুব পাৰে।
আমলখিত পোৱা উপাদানবোৰ চুলিৰ স্বাস্থ্যৰ বাবে এক আশীৰ্বাদ হিচাপে প্ৰমাণিত হ’ব পাৰে। এই তেলটো চুলিৰ যত্নৰ ৰুটিনত অন্তৰ্ভুক্ত কৰি, আপুনি কেৱল চুলি দীঘল আৰু ডাঠ কৰাই নহয় ইয়াৰ লগতে উফিৰ দৰে সম্পৰ্কীয় সমস্যাও আঁতৰ কৰিব পাৰে। যদি আপুনি চুলি সৰাৰ সমস্যাত ভুগি আছে তেনেহ’লে আপুনি ঘৰত তৈয়াৰ কৰা এই প্ৰাকৃতিক তেল ব্যৱহাৰ কৰিব পাৰে।
(এই প্ৰবন্ধটো সাধাৰণ তথ্যৰ বাবে, অনুগ্ৰহ কৰি যিকোনো প্ৰতিকাৰ গ্ৰহণ কৰাৰ আগতে চিকিৎসকৰ পৰামৰ্শ লওঁক)
