বুধবাৰে কংগ্ৰেছে ৰাজভৱনৰ সমীপত কৰা প্ৰতিবাদক লৈ কঠোৰ হৈছে মুখ্যমন্ত্ৰী ড০ হিমন্ত বিশ্ব শৰ্মা। মুখ্যমন্ত্ৰীগৰাকীৰ কঠোৰ নিৰ্দেশএতিয়াৰ পৰা ৰাজভৱনৰ সমীপত কোনো ধৰ্ণা, ধৰ্মঘট, প্ৰতিবাদ নচলিব।
ধৰ্ণা, ধৰ্মঘটৰ বাবে যি নিৰ্দিষ্ট স্থান আছে সেই স্থানত হে কৰিব পাৰিব।বুধবাৰৰ ঘটনাক লৈ কেবিনেটত মুখ্যমন্ত্ৰী গৰাকীয়ে কয় যে “এটা এটাকৈ দোষীক বিচাৰি উলিওৱা হ’ব।
যিসকলে আৰক্ষীৰ বেৰিকেড ভঙাৰ চেষ্টা কৰিছিলে তেঁওলোকৰ বিৰুদ্ধে আৰক্ষীয়ে গোচৰ ৰুজু কৰিছে। ইতিমধ্যে ফৌজদাৰী গোচৰ লিপিবদ্ধ কৰিছে আৰক্ষীয়ে”।
তেওঁ লগতে কয় যে “অনুৰূপ ঘটনা নিৰ্বাচনৰ পূৰ্বে খানাপাৰাতো কৰাৰ চেষ্টা কৰিছিল।কংগ্ৰেছে বহু দিনৰ পৰা গুৱাহাটীত এক অঘটন কৰাৰ অপচেষ্টা চলাই আহিছে”।
কংগ্ৰেছে আৰক্ষীৰ অনুমতি নোহোৱাকৈয়ে এই প্ৰতিবাদী কাৰ্যসূচী সাব্যস্ত কৰিছিল আৰু বেৰিকেড ভঙাসকলৰ ভিডিঅ’, ফটো চাই বিচাৰি উলিওৱা হৈছে।এই ঘটনাৰ লগত জড়িত কোনো সাৰি নাযাব বুলি মুখ্যমন্ত্ৰীগৰাকীয়ে কঠোৰ মন্তব্য কৰিছে।
