উত্তৰ ইজৰাইলৰ হাইফাত হাই এলাৰ্ট। লেবাননৰ পৰা হিজবুল্লাই নিক্ষেপ কৰিছে ড্ৰোণ বোমা । হাইফাত থকা সামৰিক ঘাটীত লক্ষ্য কৰি এই আক্ৰমণ লেবাননৰ। দৰাচলতে হিজবুল্লাই নতুনকৈ নিয়োজিত কৰিছে তেঁওলোকৰ মুখ্য নেতা। নায়েম কাছেমক দিয়া হৈছে হিজবুল্লাৰ দায়িত্ব। আৰু নতুন মুৰব্বী পোৱাৰ পিছতেই হিজবুল্লাই কৰিলে আক্ৰমণ। ইফালে নতুন মুৰব্বী নায়েম কাছেমক শুভেচ্ছা জনাইছে ইৰানে। আনহাতে ইজৰাইলৰ বৃহৎ ঘোষণা
নাছৰাল্লাৰ দৰেই অৱস্থা হ’ব নায়েম কাছেমৰ। ইফালে গাজাতো ইজৰাইলৰ ভয়াৱহ এয়াৰ ষ্ট্ৰাইক। উত্তৰ গাজাৰ এটা অট্টালিকাত এয়াৰ ষ্ট্ৰাইক কৰে ইজৰাইলে। এই আক্ৰমণক ভয়াৱহ আখ্যা দিছে আমেৰিকাই। ইজৰাইলৰ এই কাণ্ডক ৰাষ্ট্ৰ সংঘৰ তৰফৰ পৰাও দিয়া হৈছে গৰিহণা।
