আজিৰ দিনটোতে ৰোহিত শৰ্মাই খেলিছিল এদিনীয়াৰ আটাইতকৈ ডাঙৰ ইনিংছ, এককভাৱেই কৰিছিল ৫০ অভাৰত এটা দলে সংগ্ৰহ কৰা ৰাণ

১০ বছৰ পূৰ্বে আজিৰ দিনটোতে ভাৰতীয় ক্ৰিকেটৰ ইতিহাসত এটা সোণালী দিন লিপিবদ্ধ হৈছিল । এই দিনটোতে ৰোহিত শৰ্মাই এদিনীয়াত এনে এক ইনিংছ খেলিছিল যিটো ক্ৰিকেটপ্ৰেমীয়ে হয়তো কেতিয়াও পাহৰিব নোৱাৰে । ২০১৪ চনৰ ১৩ নৱেম্বৰত কলকাতাৰ ইডেন গাৰ্ডেনত ভাৰত আৰু শ্ৰীলংকাৰ মাজত চতুৰ্থখন এদিনীয়া মেচ অনুষ্ঠিত হৈছিল, য’ত ৰোহিত শৰ্মাই শ্ৰীলংকাৰ বিৰুদ্ধে অভিলেখ সৃষ্টিকাৰী ইনিংছ খেলিছিল । এটা ইনিংছ যিটো এতিয়াও এদিনীয়া ক্ৰিকেটৰ যিকোনো বেটছমেনৰ ভিতৰত সৰ্বাধিক ব্যক্তিগত স্ক’ৰ ।

অকলেই এটা দলৰ স্ক’ৰৰ সমান ৰাণ কৰিছিল ৰোহিতে-

শ্ৰীলংকাৰ বিৰুদ্ধে ৰোহিত শৰ্মাই ১৭৩টা বলৰ ইনিংছ খেলি ১৫২.৬০ ষ্ট্ৰাইক ৰেটত ২৬৪ ৰান সংগ্ৰহ কৰে । এই ইনিংছত তেওঁ ৩৩টা চাৰি আৰু ৯টা ছয় কোবাই । বিস্ফোৰক বেটিঙৰ জৰিয়তে তেওঁ বীৰেন্দ্ৰ ছেহৱাগৰ পুৰণি ২১৯ ৰানৰ অভিলেখ ভংগ কৰাই নহয়, ৫০ অভাৰত সাধাৰণতে দলসমূহে যিমান ৰান কৰে, সিমান ৰান এককভাৱে কৰে । এই ইনিংছ তেওঁৰ বেটিং প্ৰতিভা আৰু যুঁজাৰু মনোভাৱৰ আচৰিত প্ৰদৰ্শন আছিল, যাৰ ফলত তেওঁ ক্ৰিকেট প্ৰেমীৰ হৃদয়ত এক বিশেষ স্থান লাভ কৰিছিল ।

খেলখনৰ আৰম্ভণিতে ভাৰতে আগতীয়াকৈ বিপৰ্যয়ৰ সন্মুখীন হৈছিল যদিও বিৰাট কোহলীৰ সৈতে ৰোহিত শৰ্মাই ইনিংছ চম্ভালিছিল । দুয়ো মিলি এক শক্তিশালী অংশীদাৰিত্ব গঢ়ি তুলিছিল, যিয়ে ভাৰতীয় দলৰ স্থিতি শক্তিশালী কৰিছিল । প্ৰথম ৯৯টা বলত ৰোহিতে শতক সম্পূৰ্ণ কৰিছিল আৰু ইয়াৰ পিছত তেওঁৰ বেটিঙৰ আক্ৰমণাত্মক ৰূপ দেখা গৈছিল । ৬৬ ৰান সংগ্ৰহ কৰি অধিনায়ক কোহলি আউট হোৱাৰ পাছত ৰোহিতে ৰানৰ গতি বৃদ্ধি কৰি ১৫১ বলত নিজৰ দ্বি শতক সম্পূৰ্ণ কৰে ।

ৰোহিত মেন অৱ দ্য মেচ-

ৰোহিত শৰ্মাৰ এই ইনিংছৰ আধাৰত ভাৰতে ৫০ অভাৰত ৫ উইকেটৰ বিনিময়ত ৪০৪ ৰানৰ বিশাল স্ক’ৰ কৰিছিল, যিটো সেই সময়ত যিকোনো এদিনীয়া খেলৰ বাবে এক বৃহৎ স্ক’ৰ আছিল । ভাৰতীয় বলাৰসকলেও উজ্জ্বল প্ৰদৰ্শন আগবঢ়াই শ্ৰীলংকাৰ দলটোক ২৫১ ৰানত সীমাবদ্ধ কৰি ৰাখিছিল, যাৰ বাবে ভাৰতে ১৫৩ ৰাণত খেলখনত জয়লাভ কৰিছিল । এই উজ্জ্বল প্ৰদৰ্শনৰ বাবে ৰোহিত শৰ্মাক মেন অৱ দ্য মেচৰ বঁটা প্ৰদান কৰা হয় ।