বলিউডৰ প্ৰবীণ অভিনেতাৰ ভিতৰত গণ্য কৰা অনুপম খেৰে নিজৰ অভিনয়েৰে সদায় অনুৰাগীৰ হৃদয় জয় কৰি আহিছে । বৰ্তমান অভিনেতাগৰাকীয়ে তেওঁৰ আগন্তুক ছবিখনৰ বাবে শিৰোনাম দখল কৰিছে । শেহতীয়াকৈ নিৰ্মাতাসকলে তেওঁৰ ছবিখনৰ বিস্ফোৰক ট্ৰেইলাৰ মুকলি কৰিছে, যি চোৱাৰ পিছত, এই ছবিখনৰ প্ৰতি তেওঁৰ অনুৰাগীৰ কৌতুহল বাঢ়িছে । তেওঁৰ ছবিখনৰ নাম ‘বিজয় ৬৯’ । অনুপমৰ এই ছবিখন অতি সোনকালে OTT ত মুক্তি পাবলৈ গৈ আছে ।
এটা হৃদয়স্পৰ্শী কাহিনীৰ আভাস ছবিখনৰ ট্ৰেইলাৰত দেখা যায় । ‘বিজয় ৬৯’ত অনুপম খেৰে ৬৯ বছৰীয়া এজন ব্যক্তিৰ চৰিত্ৰত অভিনয় কৰিছে, যিয়ে এই বয়সত ট্ৰাইএথলন প্ৰতিযোগিতাত অংশগ্ৰহণ কৰাৰ সিদ্ধান্ত লয় । অহা নৱেম্বৰ মাহত অ’ টি টিত মুক্তি পাব এই ছবিখনে । ট্ৰাইএথলন প্ৰতিযোগিতাত অংশগ্ৰহণৰ প্ৰত্যাহ্বান গ্ৰহণ কৰা ৬৯ বছৰীয়া এজন ব্যক্তিৰ কাহিনীৰে নিৰ্মিত হৈছে ‘বিজয় ৬৯’ । এই ছবিখনত অনুপম খেৰে বিজয়ৰ চৰিত্ৰত অভিনয় কৰিছে ।
অনুপম খেৰৰ ছবিৰ ট্ৰেইলাৰ মুক্তি-
দৃঢ় অভিপ্ৰায়ে মানুহক যিকোনো বয়সতে তেওঁলোকৰ সপোনবোৰ অনুসৰণ কৰাটো কিমান গুৰুত্বপূৰ্ণ সেই বিষয়ে ভাবিবলৈ অনুপ্ৰাণিত কৰে । ট্ৰেইলাৰত ৬৯ বছৰীয়া বিজয়ৰ কাহিনী দেখুওৱা হৈছে, যি এজন খিংখিঙীয়া বৃদ্ধৰ পৰা এজন দৃঢ় প্ৰতিযোগীলৈ পৰিণত হৈছে । তেওঁ ট্ৰাইথলনৰ বাবে কঠোৰ পৰিশ্ৰম কৰে, যাৰ বাবে তেওঁ মানুহৰ সন্দেহ আৰু উপহাসৰ সন্মুখীন হ’ব লগা হয় । এই ট্ৰেইলাৰত, হাঁহি আৰু সংগ্ৰামৰ মুহূৰ্তবোৰ একেলগে দেখা গৈছে । মিহিৰ আহুজা আৰু চাংকী পাণ্ডেকো ছবিখনত দেখা যাব । এই ছবিখন পৰিচালনা কৰিছে অক্ষয় ৰয়ে ।
অহা মাহত অ’ টি টি ত মুক্তি পাব-
এই ছবিখনৰ বিষয়ে কওঁতে তেওঁ কয় যে এই ছবিখন জীৱনৰ দ্বিতীয় সুযোগৰ বিষয়ে । ইয়াত আমি আমাৰ জীৱনত কি কৰিব বিচাৰিছিলো আৰু আমি কি হৈছো তাৰ মাজত পাৰ্থক্য দেখুৱাইছে । কেৱল এয়াই নহয় অক্ষয় ৰায়ে অনুপম খেৰৰ সৈতে কাম কৰাটো এটা ডাঙৰ সুযোগ বুলি অভিহিত কৰে । তেওঁ কয়, ‘অনুপম খেৰে এই চৰিত্ৰটোৰ বাবে কঠোৰ পৰিশ্ৰম কৰিছিল আৰু ইয়াত এক বিশেষ গভীৰতা আৰু বাস্তৱতা আনিছিল, যিটো কেৱল কিছু সংখ্যক বিশেষ অভিনেতাইহে কৰিব পাৰে’ । এই ছবিখন ২০২৪ চনৰ ৮ নৱেম্বৰত নেটফ্লিক্সত মুক্তি পাব ।
