অষ্ট্ৰেলিয়াই ভাৰতৰ বিৰুদ্ধে শৃংখলাৰ অন্তিম ২ খন টেষ্ট মেচৰ বাবে তেওঁলোকৰ দলটোৰ সাল-সলনি কৰিছে। য’ত ২ টা গুৰুত্বপূৰ্ণ পৰিৱৰ্তন অন্তৰ্ভুক্ত আছে।
বৰ্ডাৰ-গাভাস্কাৰ ট্ৰফী ২০২৪-২৫ ৰ প্ৰথম তিনিখন টেষ্ট মেচৰ আৰম্ভণিতে উছমান খাৱাজাৰ সৈতে অংশীদাৰীত্ব কৰা নাথান মেকচুইনিক হ’বলগীয়া ২ খন খেলৰ বাবে দলৰ পৰা বাদ দিয়া হৈছে।
তত্বাৱধানত, ফাষ্ট বলাৰ ঝেই ৰিচাৰ্ডছনে তিনি বছৰৰ পিছত কেংগাৰু দললৈ উভতি আহিছে। ভাৰত আৰু অষ্ট্ৰেলিয়াৰ মাজত অনুষ্ঠিত হ’বলগীয়া শৃংখলাৰ চতুৰ্থখন টেষ্ট মেচ ২৬ ডিচেম্বৰৰ পৰা মেলবৰ্ণ খেলপথাৰত অনুষ্ঠিত হ’ব, আনহাতে অন্তিম আৰু পঞ্চম খন খেল ৩ জানুৱাৰীৰ পৰা চিডনী ষ্টেডিয়ামত অনুষ্ঠিত হ’ব।
ভাৰতৰ বিৰুদ্ধে অষ্ট্ৰেলিয়াৰ একাদশ দলৰ হৈ গোলাপী বলৰ অনুশীলন মেচত খেলা আৰু শতক অৰ্জন কৰাত সফল হোৱা ১৯ বছৰীয়া উদ্বোধনী বেটছমেন ছেম কনষ্টাছক যোৱা দুখন খেলৰ বাবে অষ্ট্ৰেলিয়াৰ দলত অন্তৰ্ভুক্ত কৰা হৈছে।
শৃংখলাটোৰ প্ৰথম তিনিখন খেলত বেটিঙেৰে ভাল প্ৰদৰ্শন কৰিবলৈ অক্ষম হোৱা নাথান মেকচুইনিকৰ স্থানত ছেমক লোৱাৰ সিদ্ধান্ত লৈছে অষ্ট্ৰেলিয়াৰ নিৰ্বাচক সকলে।
ছেমে যোৱা সপ্তাহত আৰম্ভ হোৱা বিগ বেছ লীগ ২০২৪-২৫ত চিডনী থাণ্ডাৰ দলৰ হৈ আত্মপ্ৰকাশ কৰিছিল, য’ত তেওঁ উৎকৃষ্ট ফৰ্মও প্ৰদৰ্শন কৰিছিল।
মেলবৰ্ণ আৰু চিডনী টেষ্ট মেচৰ বাবে অষ্ট্ৰেলিয়াৰ দলটোত আন এজন খেলুৱৈৰ প্ৰৱেশ দেখিবলৈ পোৱা গৈছে। সেইজন হৈছে দ্ৰুত বলাৰ ঝেই ৰিচাৰ্ডচন।
তিনি বছৰৰ দীঘলীয়া ব্যৱধানৰ পিছত ঝেইক কেংগাৰু টেষ্ট দলত অন্তৰ্ভুক্ত কৰা হৈছে।ৰিচাৰ্ডচনে এডিলেড খেলপথাৰত ইংলেণ্ডৰ বিৰুদ্ধে ২০২১ চনৰ এছেজ শৃংখলাত তেওঁৰ অন্তিম খন টেষ্ট মেচ খেলিছিল। ইফালে, আঘাতপ্ৰাপ্ত বলাৰ জছ হেজলউডৰ সলনি ছিন এবটক দলত অন্তৰ্ভুক্ত কৰা হৈছে।
