সলনি হ’ব YOUTUBE ৰ নিয়ম
১৩ আগষ্টৰ পৰা YOUTUBE ত এটা ডাঙৰ পৰিৱৰ্তন হ’ব।গুগলৰ ভিডিঅ’ ষ্ট্ৰীমিং প্লেটফৰ্মে নতুন প্ৰস্তুতি চলাইছে। এতিয়াৰে পৰা AI ৰ জৰিয়তে ব্যৱহাৰকাৰীৰ বয়স ধৰা পৰিব।
শিশু বিশেষকৈ কিশোৰ-কিশোৰীয়ে একাউণ্ট তৈয়াৰ কৰাত বাধা দিবলৈ YOUTUBE এ এই নতুন সঁজুলিটো প্ৰস্তুত কৰিছে।
ইয়াৰ জৰিয়তে শিশুৰ বয়স অনুমান কৰিব পাৰিব যাতে তেওঁলোকে মিছা বয়স দি প্ৰাপ্তবয়স্কৰ বিষয়বস্তু চাব নোৱাৰে। ইউটিউবৰ এই নতুন ব্যৱস্থাই সৰু ল’ৰা-ছোৱালীয়ে ভুল বয়স দিয়াৰ কৌশল সহজেই ধৰিব।
ইউটিউবে ১৩ আগষ্টত এই সঁজুলিটো মুকলি কৰিবলৈ ওলাইছে। ইয়াক প্ৰথমে বিটা সংস্কৰণৰ বাবে ৰোল আউট কৰা হ’ব, ইয়াৰ পৰীক্ষা সম্পূৰ্ণ হোৱাৰ পিছত ইয়াক সম্পূৰ্ণৰূপে ৰোল আউট কৰা হ’ব।
ইউটিউবৰ এই বৈশিষ্ট্য বৰ্তমান আমেৰিকাত পৰীক্ষা কৰা হ’ব। ইয়াৰ পিছত ইয়াক আন দেশত ৰোল আউট কৰা হ’ব।
বহু দেশৰ চৰকাৰে টেক কোম্পানীক অনলাইন সুৰক্ষা নীতি উন্নত কৰিবলৈ কৈছে যাতে শিশুৱে ইয়াক অপব্যৱহাৰ কৰিব নোৱাৰে।
ব্ৰিটেইন, অষ্ট্ৰেলিয়া, ইউৰোপীয় দেশসমূহতো ইয়াৰ সন্দৰ্ভত নিয়ম প্ৰণয়ন কৰা হৈছে আৰু টেক কোম্পানীসমূহক নাবালকসকলক অপ্ৰয়োজনীয় বিষয়বস্তুৰ পৰা আঁতৰাই ৰাখিবলৈ কোৱা হৈছে।
ইউটিউবৰ এই AI ব্যৱস্থাই শিশুৰ বয়সৰ মূল্যায়ন কৰিব। ইয়াত ব্যৱহাৰকাৰীয়ে সন্ধান কৰা বিষয়বস্তুৰ ওপৰত গুৰুত্ব দিয়া হ’ব।
ব্যৱহাৰকাৰীয়ে গোটেই দিনটোত কি সন্ধান কৰে তাৰ ওপৰত ভিত্তি কৰি তেওঁৰ বয়স নিৰ্ণয় কৰাৰ প্ৰয়াস কৰা হ’ব।
লগতে পঢ়ক: পুনৰ AIR INDIA বিমানত বিসংগতি; মাজ আকাশৰ পৰাই উভতিল লণ্ডন অভিমুখী বিমান
