স্বামীৰ প্ৰিয় গীত গাই গৰিমা শইকীয়া গাৰ্গে দিলে শেষ বিদায়
সন্মুখত জ্বলি আছে স্বামীৰ চিতা।কান্দোনত ভাঙি পৰিছে পত্নী গৰিমা শইকীয়া গাৰ্গ। মুখত তেওঁৰ মৰমৰ গল্ডিৰ প্ৰিয় গীত মায়াবিনী ৰাতিৰ বুকুত…। আজিৰে পৰা আৰু তেওঁ কোনোদিনেই কাষত নাপায় মৰমৰ স্বামীক।
সমস্ব হেৰুৱাই বহি ৰৈছে স্বামী জুবিনৰ চিতাৰ সন্মুখতে বহি ৰৈছে গৰিমা শইকীয়া গাৰ্গ। প্ৰাণৰ শিল্পীক চিতাত উঠোৱাৰ লগে লগে সকলোৱে একেলগে গালে মায়াবিনী ৰাতিৰ বুকুত…।
তাৰ পিছতে পত্নী গৰিমা শইকীয়া গাৰ্গেও কান্দি কান্দি মায়াবিনী গাই বিদায় দিলে নিজৰ বুকুৰ আপোন মানুহজনক।
জুবিন গাৰ্গৰ শিশু সুলভ মনটোক ইমানদিনে সজতনে ৰাখি অসমবাসীক হিয়াৰ আমঠু শিল্পী গৰাকীক অৰ্পন কৰিছিল।
শেষ উপহাৰ হিচাপে মায়াবিনীৰ সুৰ আৰু হাজাৰজনৰ চকুপানী লৈ কায়িকভাৱে বিদায় ল’লে মৰমৰ জুবিনে।সুৰৰ মায়াজালেৰে মঞ্চ কঁপাবলৈ আৰু কেতিয়াও নাহে মানুহজন।
সোণাপুৰত জুবিন গাৰ্গৰ শেষকৃত্যত হুকহুকাই কান্দি উঠিল লাখ লাখ জনত। সেউজীয়াৰ মাজত জুবিনৰ শেষকৃত্য সম্পন্ন।যেন স্তব্ধ হৈ পৰিছে ৰাজ্যবাসীৰ হৃদস্পন্দন! এতিয়া চৌদিশে মাথোঁ অনুৰাগীৰ হুমুনিয়াহ।
চৌদিশে বাজিছে জুবিন গাৰ্গৰ হৃদয়স্পর্শী গান । স্বামীৰ প্ৰিয় গান মায়াবিনী গাই কান্দি কান্দি স্বামীক গৰিমা শইকীয়া গাৰ্গেও তেওঁক দিলে শেষ বিদায়।
লগতে পঢ়ক: পঞ্চভূতত বিলিন হ’ল জনতাৰ প্ৰাণৰ শিল্পী; মায়াবিনী গাই লাখ লাখ অনুৰাগীয়ে দিলে বিদায়
