সাংসদৰ ডিঙিৰ পৰাই দুৰ্বৃত্তই কাঢ়ি নিলে চেইন
সোমবাৰে পুৱা দিল্লীৰ চাণক্যপুৰীৰ পৰা চেইন চুৰিৰ এক ঘটনা সংঘটিত হয়। আশ্চৰ্যজনক যে চেইন চুৰিৰ এই ঘটনাটো সংসদ ভৱনৰ পৰা মাত্ৰ অলপ দূৰৈত মহিলা সাংসদ আৰ সুধাৰ লগতে সংঘটিত হৈছিল।
দৰাচলতে তামিলনাডুৰ মায়লাদুথুৰাইৰ কংগ্ৰেছী সাংসদ এম সুধাই এবছৰ ধৰি তামিলনাডু ভৱনত বসবাস কৰি আছে।
আজি ৰাতিপুৱা ৬ বজাত তেওঁ মৰ্নিং ৱাক কৰিবলৈ ওলাই গৈছিল। সেই সময়তে বাইক অহা এটা দুৰ্বৃত্তই তেওঁৰ ডিঙিৰ পৰা সোণৰ চেইন ডাল কাঢ়ি লৈ পলায়ন কৰে।
ঘটনাৰ সন্দৰ্ভত আৰক্ষীয়ে এটা গোচৰ ৰুজু কৰি তদন্ত অব্যাহত ৰাখিছে।অভিযুক্তক ধৰিবলৈ দিল্লী আৰক্ষীয়ে ১০টাতকৈও অধিক দল গঠন কৰিছে।তদন্তৰ বাবে আৰক্ষীয়ে চিচিটিভি কেমেৰাসমূহ পৰীক্ষা কৰি আছে।
লগতে প্ৰত্যক্ষদৰ্শীৰ সৈতেও কথা পাতিছে আৰু ঘটনাৰ সময়ত অঞ্চলটোত যিকোনো সন্দেহজনক ঘটনাৰ তদন্ত অব্যাহত আছে।
বিষয়াসকলে জনোৱা মতে, তামিলনাডু ভৱন আৰু ইয়াৰ আশে-পাশে থকা অঞ্চলত নিৰাপত্তা অধিক শক্তিশালী কৰা হৈছে।
ঘটনাৰ পিছতে কংগ্ৰেছ লোকসভাৰ সদস্য প্ৰিয়ংকা গান্ধীয়ে আৰ সুধাক লোকসভাৰ অধ্যক্ষৰ ওচৰলৈ লৈ যায় আৰু বিষয়টোৰ ওপৰত অভিযোগ কৰে।
ঘটনাৰ ফলত আৰ সুধা আঘাত প্ৰাপ্ত হৈছে। তেওঁ গৃহমন্ত্ৰী অমিত শ্বাহলৈও চেইন চুৰিৰ বিষয়ক লৈ এখন পত্ৰও লিখিছে।
লগতে পঢ়ক: ‘আপুনি কেনেকৈ গম পালে যে চীনে মাটি দখল কৰিছে?’; ৰাহুল গান্ধীক ধমক উচ্চতম ন্যায়ালয়ৰ
