কোৰিয়ান ড্ৰামা (K-Show) আজিকালি বিশ্বজুৰি অতি জনপ্ৰিয় হৈ পৰিছে । মানুহে কোৰিয়ান ড্ৰামাৰ ৰোমাঞ্চ, একচন বা থ্ৰিলাৰ ভাল পায় । কোৰিয়ান ড্ৰামাৰ অনুৰাগী সকলো ঠাইতে বৃদ্ধি পাইছে, কিন্তু আপুনি জানেনে যে উত্তৰ কোৰিয়াত এই ড্ৰামাবোৰ চোৱাটো এক অপৰাধ আৰু ইয়াৰ ফলত কঠোৰ শাস্তিও হ’ব পাৰে । উত্তৰ কোৰিয়াত কোৰিয়ান ড্ৰামা কিয় নিষিদ্ধ কৰা হৈছে আৰু যদি কোনোবাই তাত কোৰিয়ান ড্ৰামা চায় তেন্তে কি হ’ব পাৰে জানক ।
উত্তৰ কোৰিয়াত কোৰিয়ান ড্ৰামা চোৱাটো কিয় অপৰাধ ?
প্ৰকৃততে উত্তৰ কোৰিয়াৰ চৰকাৰে নিবিচাৰে যে দেশখনৰ জনসাধাৰণে দক্ষিণ কোৰিয়াৰ জীৱনশৈলী দেখি তাৰ পৰা অনুপ্ৰাণিত হওক । দৰাচলতে দক্ষিণ কোৰিয়াৰ ড্ৰামাত দেখুওৱা সামাজিক শৈলী উত্তৰ কোৰিয়াৰ সৈতে মিল নাই, সেয়েহে তাত নিষেধাজ্ঞা আৰোপ কৰা হৈছে । উত্তৰ কোৰিয়াৰ চৰকাৰে আশংকা কৰে যে এই ড্ৰামাসমূহে পশ্চিমীয়া ধাৰণা থকা লোকসকলক প্ৰভাৱিত কৰিব পাৰে, যিটো তেওঁলোকৰ কঠোৰ শাসনৰ বিৰুদ্ধে হ’ব পাৰে । সেইবাবেই তেওঁলোকে এই ড্ৰামাবোৰ নিষিদ্ধ কৰিছে ।
কোৰিয়ান ড্ৰামা চোৱাৰ শাস্তি কি ?
উত্তৰ কোৰিয়াত দক্ষিণ কোৰিয়াৰ ড্ৰামা চোৱা লোকৰ বাবে আছে কঠোৰ নিয়ম । তাত যদি কোনোবাই এনে ড্ৰামা চাই থকা দেখা যায় তেন্তে তেওঁক ১০ বছৰৰ কাৰাদণ্ড বিহা হ’ব পাৰে । ইয়াৰ বাহিৰেও কিছুমান ক্ষেত্ৰত দক্ষিণ কোৰিয়াৰ ড্ৰামা চোৱাৰ বাবে মৃত্যুদণ্ড দিয়াৰ ব্যৱস্থাও আছে । আপুনি জানি আচৰিত হ’ব যে উত্তৰ কোৰিয়াত যদি কোনো ব্যক্তিক দক্ষিণ কোৰিয়াৰ ড্ৰামা চাই থকা দেখা যায়, তেন্তে কেৱল তেওঁক শাস্তি দিয়াই নহয়, তেওঁৰ পৰিয়ালকো শাস্তি দিয়া হয় । এনে ক্ষেত্ৰত তেওঁৰ পৰিয়ালৰ লোকো জেললৈ যাব পাৰে বা কঠোৰ পৰিশ্ৰম কৰিবলৈ বাধ্য হ’ব পাৰে ।
