নানা পাটেকাৰ তেওঁৰ খোলা অন্তৰৰ বাবে বিখ্যাত। যি কোনো বিষয়ত তেওঁ নিজৰ মতামত প্ৰকাশ কৰিবলৈ কুণ্ঠাবোধ নকৰে।বৰ্তমান সময়ত তেওঁৰ পৰৱৰ্তী ছবি ‘বনবাস’ৰ প্ৰচাৰত ব্যস্ত হৈ আছে।
তেওঁ এটা সাক্ষাৎকাৰত চলচ্চিত্ৰখনৰ বিষয়ে কথা পাতি থাকোতে বহুতো ধেমেলীয়া কথা প্ৰকাশ কৰিছিল। তেওঁ ‘বনবাস’ চলচ্চিত্ৰখনৰ পৰিচালক অনিল শৰ্মাৰ ওপৰত এটা আশ্চৰ্যজনক মন্তব্য দিছে।
যেতিয়া নানা পাটেকাৰক সোধা হৈছিল যে সকলোৱে তেওঁৰ সৈতে কাম কৰিবলৈ কিয় ভয় কৰে, অভিনেতাজনে উত্তৰ দিছিল যে , ‘অনিল শৰ্মা এজন ফটুৱা মানুহ। ‘গদাৰ’ হিট হোৱাৰ পিছত, তেওঁ মোক প্ৰতিদিনে কৈছিল যে এইটোৱেই কাহিনী, এইটো কাহিনী, কিন্তু ই কেতিয়াও ওলাই অহা নাছিল”।
চলচ্চিত্ৰখনত নানা পাটেকাৰৰ লগতে ‘গদাৰ’ৰ অভিনেতা আৰু অনিল শৰ্মাৰ পুত্ৰ উৎকৰ্ষ শৰ্মাইও অভিনয় কৰিছে। পেমেলি ড্ৰামা ফ্লিম ‘বনবাস’ত পিতৃ আৰু পুত্ৰৰ মাজৰ সম্পৰ্ক সুন্দৰভাৱে দেখুওৱা হৈছে।
মনোৰঞ্জন সমৃদ্ধ চলচ্চিত্ৰখনত যথেষ্ট ড্ৰামাও আছে। ছবিখন ‘গদাৰ’ খ্যাত অনিল শৰ্মাই পৰিচালনা আৰু প্ৰযোজনা কৰিছে।
প্ৰবীণ অভিনেতা নানা পাটেকাৰে কয় যে তেওঁৰ “বনবাস”ৰ যাত্ৰা স্মৰণীয় আছিল আৰু তেওঁ ছবিখনক আজিলৈকে তেওঁৰ জীৱনৰ শ্ৰেষ্ঠ চলচ্চিত্ৰসমূহৰ ভিতৰত এখন বুলি অভিহিত কৰিছে।নানা পাটেকাৰে আহিবলগীয়া ছবিখনৰ পোষ্টাৰ শ্বেয়াৰ কৰি এইকথা কৈছিল।
তেওঁ পোষ্টটোৰ সৈতে শিৰোনামটোত লিখিছিল, ‘বনবাসৰ সমগ্ৰ যাত্ৰাটো মোৰ বাবে অতি স্মৰণীয় আছিল। এইখন এতিয়ালৈকে মোৰ শ্ৰেষ্ঠ চলচ্চিত্ৰসমূহৰ ভিতৰত এখন।” অনিল শৰ্মাৰ দ্বাৰা লিখা, প্ৰযোজিত আৰু পৰিচালিত , “বনবাস” ২০ ডিচেম্বৰত ছবিগৃহত মুক্তি পাব।
