সোমবাৰে মুম্বাইৰ ৱানখেদে ষ্টেডিয়ামত অনুষ্ঠিত হোৱা আই পি এল মেচত ৰয়েল চেলেঞ্জাৰছ বেংগালুৰু(আৰ চি বি)এ মুম্বাই ইণ্ডিয়ানছ (এম আই)ক ১২ ৰানত পৰাস্ত কৰে।
হাৰ্দিক পাণ্ডিয়া আৰু নমনে ধৈৰ্য্যৰে বেটিং কৰি আছিল, এনে লাগিছিল যেন মুম্বাই এই মেচত জয়ী হ’ব কিন্তু ইয়াৰ পৰাই মেচখন ঘূৰি গ’ল। ইনিংছৰ আৰম্ভনিতে পুনৰবাৰ ফ্লপ হ’ল ৰোহিত শৰ্মা। ৰোহিত শৰ্মাই, ৯ বলত ১৭ ৰান সংগ্ৰহ কৰে।
পৰাজয়ৰ অধিনায়ক হাৰ্দিক পাণ্ডিয়াই কয় যে ‘ইয়াত বহুত ৰান কৰা হৈছিল।সঁচাকৈয়ে উইকেটটো ভাল আছিল। মই মাত্ৰ নিজকে একেখিনি কথাই কৈ আছিলো।আমি দুটা হিট মিছ কৰিলোঁ, কি ক’ম নাজানো।
উইকেট যিদৰে আছিল, বলাৰসকলৰ ডিফেণ্ড কৰিবলৈ বহুত বস্তু নাছিল।কাৰ্যান্বিত কৰাৰ ওপৰত নিৰ্ভৰ কৰিছিল। বেটছমেনক ৰখাব পাৰি, কিন্তু মই বলাৰৰ ওপৰত কঠোৰ হ’ব নিবিচাৰো।
পিটচখন কঠিন আছিল, বিকল্প বেছি নাছিল। মই ক’ব পাৰো যে আমাৰ দলটোৱে ৫-১০ ত পৰাস্ত হৈছিল, হয়তো ১২ ৰান বেছি হ’ল৷”
এম আইৰ অধিনায়কগৰাকীয়ে আৰু কয়, “নমনে লোয়াৰ অৰ্ডাৰত বেটিং কৰিছিল। আগৰ মেচখনত ৰোহিত শৰ্মা উপলব্ধ নাছিল গতিকে কাৰোবাক ওপৰলৈ পঠিয়াব লগা হৈছিল।” তেওঁৰ বহুকাৰ্য্যকৰী খেল আছে।
ৰোহিত ঘূৰি অহাৰ পিছত আমি গম পালোঁ যে নমন ধীৰ নামি আহিব লাগিব। তিলকেও বাল খেলিছিল। যোৱা খেলখনত বহুত কথা হৈছিল, মানুহে বহুত মন্তব্য কৰিছিল।
তেওঁলোকে গম পোৱা নাছিল যে আগদিনা বেয়া হিট এটা লৈছিল। তিলকৰ আঙুলিৰ বাবেই প্ৰশিক্ষকে অনুভৱ কৰিলে যে নতুন খেলুৱৈ আহিলে ই এক উত্তম বিকল্প হ’ব। কিন্তু আজি ভাল আছিল।
এই ধৰণৰ খেলত পাৱাৰপ্লে গুৰুত্বপূৰ্ণ। আমি মিডল অভাৰত পৰ্যাপ্ত ৰান কৰিব পৰা নাছিলো আৰু সেইটোৱে আমাক পিছ পেলাইছিল।তেওঁলোকে (আৰ চি বি) ডেথ অভাৰত ভাল প্ৰদৰ্শন কৰিছিল আৰু আমি ভাল খেলিব পৰা নাছিলো।’
