আগষ্ট মাহত কৰ্মচাৰী ভৱিষ্যত নিধি সংস্থাই (EPFO) ১৮.৫৩ লাখ সদস্য সংযোজন কৰিছে । বছৰি ৯.০৭ শতাংশ পঞ্জীয়ন বৃদ্ধি কৰিছে । ইয়াৰ উপৰিও ৯.৩ লাখ নতুন সদস্যই ইপিএফঅ’ত যোগদান কৰিছে । ২০২৩ চনৰ আগষ্টৰ তুলনাত এই সংখ্যাও ০.৪৮ শতাংশ বৃদ্ধি পাইছে । তথ্য অনুসৰি ইপিএফঅ’ৰ সন্দৰ্ভত জনসাধাৰণৰ মাজত সজাগতা বৃদ্ধিয়েই নহয় দেশত নিয়োগো ক্ৰমাগতভাৱে বৃদ্ধি পাইছে ।
নতুন সদস্যসকলৰ অধিকাংশই ১৮ৰ পৰা ২৫ বছৰ বয়সৰ-
ইপিএফঅ’ (কৰ্মচাৰী প্ৰভিডেণ্ট ফাণ্ড অৰ্গেনাইজেচন)ৰ পে-ৰোলৰ তথ্য অনুসৰি নতুন সদস্যৰ অধিকাংশই ১৮ৰ পৰা ২৫ বছৰ বয়সৰ । আগষ্ট মাহত যোগ কৰা মুঠ নতুন সদস্যৰ ভিতৰত এই বয়সৰ সদস্যৰ সংখ্যা ৫৯.২৬ শতাংশ । বেছিভাগেই প্ৰথমবাৰৰ বাবে চাকৰি পাইছে । আগষ্ট মাহত যোগদান কৰা মুঠ ১৮.৫৩ লাখ সদস্যৰ ভিতৰত ১৮ৰ পৰা ২৫ বছৰ বয়সৰ সদস্যৰ সংখ্যা ৮.০৬ লাখ ।
১৩.৫৪ লাখ সদস্যই পুনৰ ইপিএফঅ’ত প্ৰৱেশ কৰিছে-
পে-ৰোলৰ তথ্য অনুসৰি ১৩.৫৪ লাখ সদস্যই ইপিএফঅ’ এৰি যোৱাৰ পিছত পুনৰ প্ৰৱেশ কৰিছে । ২০২৩ চনৰ আগষ্টৰ তুলনাত এই সংখ্যাও ১৪.০৩ শতাংশ বৃদ্ধি পাইছে । এইসকল লোকে এটা চাকৰি এৰি আন এটা চাকৰিত যোগদান কৰিছে । চূড়ান্ত নিষ্পত্তিৰ পৰিৱৰ্তে তেওঁলোকে নিজৰ ইপিএফঅ’ একাউণ্ট ট্ৰেন্সফাৰ কৰিছে । ইয়াৰ বাবেই তেওঁ ইপিএফঅ’ৰ সামাজিক সুৰক্ষা আঁচনিৰ পৰিসৰৰ ভিতৰত থাকে ।
কৰ্মশক্তিত মহিলাৰ অংশগ্ৰহণ বাঢ়িছে-
ইপিএফঅ’ৰ তথ্য অনুসৰি প্ৰায় ২.৫৩ লাখ নতুন সদস্য মহিলা । ২০২৩ চনৰ আগষ্টৰ তুলনাত এই সংখ্যাও ৩.৭৫ শতাংশ বৃদ্ধি পাইছে । আগষ্ট মাহত যোগদান কৰা মুঠ সদস্যৰ ভিতৰত মহিলাৰ সংখ্যা হৈছে ৩.৭৯ লাখ । ২০২৩ চনৰ আগষ্টৰ তুলনাত এই সংখ্যাও ১০.৪১ শতাংশ বৃদ্ধি পাইছে । কৰ্মশক্তিত মহিলাসকলৰ অংশগ্ৰহণ বৃদ্ধি পোৱাটোও এক শুভ লক্ষণ ।
এই ৰাজ্যসমূহৰ পৰা অধিকাংশ সদস্যই যোগদান কৰিছে-
পে-ৰোলৰ তথ্য অনুসৰি ইপিএফঅ’ৰ সৰ্বাধিক ২০.৫৯ শতাংশ সদস্য মহাৰাষ্ট্ৰৰ । ইয়াৰ উপৰিও কৰ্ণাটক, তামিলনাডু, হাৰিয়ানা, দিল্লী, গুজৰাট, উত্তৰ প্ৰদেশ আৰু তেলেংগানাইও উন্নত প্ৰদৰ্শন আগবঢ়াইছে । লগতে ব্যৱসায়, অভিযান্ত্ৰিক, নিৰ্মাণ, কৃষি উৎপাদনত সৰ্বাধিক কৰ্মসংস্থাপন পোৱা গৈছে ।
