প্ৰৱঞ্চক দীপাংকৰ বৰ্মনৰ হাতৰ পৰা উদ্ধাৰ হৈছে বাণ্ডিলে বাণ্ডিলে টকা । এটাৰ পিছত আন এটা বেগ খুলি উলিয়াইছে টকা । বুজন পৰিমাণৰ নগদ ধন দেখি হতচকিত হৈ পৰিছে আৰক্ষী । দীপাংকৰৰ পৰা সোণৰ আ- অলংকাৰো জব্দ কৰিছে আৰক্ষীয়ে । গোৱাৰ এটা সৰু কোঠালিত নগদ ধন লৈ বাহৰ পাতি আছিল প্ৰৱঞ্চক দীপাংকৰে ।
উল্লেখ্য যে, দেওবাৰে মহানগৰ আৰক্ষীৰ জালত পৰে পলাতক প্ৰৱঞ্চক দীপাংকৰ বৰ্মন । গোৱাৰ পৰা মহানগৰ আৰক্ষীয়ে গ্ৰেপ্তাৰ কৰে দীপাংকৰক । দীৰ্ঘদিন ধৰি আৰক্ষীক ধূলি দি পলাতক অৱস্থাত আছিল প্ৰৱঞ্চক দীপাংকৰ । DB STOCKৰ নামত দীপাংকৰে লুণ্ঠন চলাইছিল হাজাৰ হাজাৰ কোটি টকা । সৰ্বসাধাৰন জনতাক অধিক ধনৰ লোভ দেখুৱাই প্ৰৱঞ্চনা কৰিছিল দীপাংকৰে । অসমৰ বাহিৰেও বহিঃৰাজ্যতো দীপাংকৰে পেলাইচিল প্ৰৱঞ্চনাৰ জাল ।
