শীতকালত ঠাণ্ডা পানীৰে গা ধুলে এই ভুল নকৰিব, ষ্ট্ৰোকৰ সম্ভাৱনা বৃদ্ধি পাব পাৰে।।
কিছুমানে শীতকালত ঠাণ্ডা পানীৰে গা ধোৱে, কিন্তু ঠাণ্ডা পানীৰে গা ধোৱাৰ সময়ত কিছু সাৱধানতা অৱলম্বন কৰক। এই সময়ছোৱাত যদি আপুনি অসাৱধানতা অৱলম্বন কৰে তেন্তে ষ্ট্ৰোকৰ আশংকা হ’ব পাৰে।
বহুতে শীতকালত ঠাণ্ডা পানীৰে গা ধোৱে। এনে কৰিলে শৰীৰত সতেজতাৰ অনুভৱ হয় যদিও ই আপোনাৰ স্বাস্থ্যৰ বাবেও বিপদজনক হ’ব পাৰে। ঠাণ্ডা পানীৰে গা ধুলে ব্ৰেইন ষ্ট্ৰোকৰ সম্ভাৱনা বৃদ্ধি পাব পাৰে। মগজুলৈ তেজৰ সোঁত লেহেমীয়া বা বন্ধ হৈ গ’লে ব্ৰেইন ষ্ট্ৰ’ক হয়, যাৰ বাবে মগজুৰ কিছুমান অংশত অক্সিজেন নাপায়। এই অৱস্থা অত্যন্ত বিপদজনক হ’ব পাৰে আৰু সময়মতে চিকিৎসা নকৰিলে এজন ব্যক্তিৰ মৃত্যু হ’ব পাৰে।
ঠাণ্ডা পানীয়ে কেনেকৈ ব্ৰেইন ষ্ট্ৰোকৰ সম্ভাৱনা বৃদ্ধি কৰিব পাৰে
ঠাণ্ডা পানী পোনে পোনে মূৰত ঢালিলে ব্ৰেইন ষ্ট্ৰ’কৰ সম্ভাৱনা বৃদ্ধি পাব পাৰে।। ইয়াৰ কাৰণ হ’ল যেতিয়া আপুনি পোনে পোনে মূৰত ঠাণ্ডা পানী ঢালি দিয়ে তেতিয়া হঠাতে মগজুৰ সিৰাবোৰ সৰু হৈ যায়, যাৰ ফলত ৰক্ত সঞ্চালনত বাধাৰ সৃষ্টি হ’ব পাৰে। ইয়াৰ বাহিৰেও ঠাণ্ডা পানীৰে গা ধুলে হঠাৎ শৰীৰৰ উষ্ণতা হ্ৰাস পায়।ইয়াৰ কাৰণে শৰীৰত দুৰ্বলতা, ভাগৰুৱা, মূৰ ঘূৰোৱা, হাৰ্ট এটেক, ষ্ট্ৰোক আদি সমস্যাৰ সৃষ্টি হ’ব পাৰে। ইয়াক সুৰক্ষিত কৰিবলৈ এই পদ্ধতি গ্ৰহণ কৰক।
ঠাণ্ডা পানীৰে গা ধোৱাৰ সময়ত শৰীৰৰ আন অংশ যেনে হাত, ভৰি আৰু পিঠিত পানী ঢালি দিয়াটো অধিক সুৰক্ষিত। এনে কৰিলে শৰীৰৰ উষ্ণতা সুষম হয় আৰু তাৰ পিছত লাহে লাহে মূৰলৈকে বৃদ্ধি কৰিব পাৰি। এইদৰে ঠাণ্ডা পানীয়ে শৰীৰত কম প্ৰভাৱ পেলায় আৰু ই নিৰাপদ হৈ থাকে।
যদি আপোনাৰ ৰোগ প্ৰতিৰোধ ক্ষমতা দুৰ্বল বা ঠাণ্ডাৰ প্ৰতি সংবেদনশীল হয় তেন্তে ঠাণ্ডা পানীৰে গা ধুলে ঠাণ্ডা, জ্বৰ আৰু অন্যান্য স্বাস্থ্যজনিত সমস্যাৰ সৃষ্টি হ’ব পাৰে।ইয়াৰ বাহিৰেও যদি আপোনাৰ উচ্চ ৰক্তচাপ বা হৃদৰোগৰ সমস্যা আছে, তেন্তে ঠাণ্ডা পানীৰে গা ধোৱাটো আপোনাৰ বাবে বিপদজনক হ’ব পাৰে।এনে পৰিস্থিতিত স্বাস্থ্য অনুসৰি ঠাণ্ডা পানীৰে গা ধোৱাৰ অভ্যাস গ্ৰহণ কৰক। যদি ঠাণ্ডা পানী আপোনাৰ লগত খাপ নাখায় তেন্তে ইয়াৰ লগত একেবাৰে গা ধুব নালাগে আৰু কেৱল সাধাৰণ পানী বা কুহুমীয়া পানীৰে গা ধুব লাগে।
