মাইক্ৰছফ্টে এটা ডাঙৰ পদক্ষেপ লৈছে। কোম্পানীটোৱে তেওঁলোকৰ জনপ্ৰিয় ভিডিঅ’ কলিং প্লেটফৰ্ম স্কাইপ বন্ধ কৰাৰ সিদ্ধান্ত লৈছে।আগন্তুক দিনত, এই জনপ্ৰিয় ভিডিঅ’ কলিং এপ্পটো ডিভাইচৰ পৰা নাইকিয়া হ’ব।
মাইক্ৰছফ্টে স্কাইপ বন্ধ কৰাৰ লগতে ব্যৱহাৰকাৰীসকলক ভিডিঅ’ কলিং আৰু অন্যান্য কামৰ বাবে এটা বিকল্পও প্ৰদান কৰিছে। মাইক্ৰছফ্টে ঘোষণা কৰিছে যে ই ৫ মে’ৰ পৰা স্কাইপ বন্ধ কৰিব।
কোম্পানীটোৱে কৈছিল যে তেওঁলোকে এতিয়া মাইক্ৰছফ্ট টীম ৰ ওপৰত গুৰুত্ব দি আছে আৰু ইয়াক আগৰ তুলনাত অধিক শক্তিশালী কৰি তুলিছে। সেয়েহে, কোম্পানীটোৱে স্কাইপ ব্যৱহাৰকাৰীসকলক মাইক্ৰছফ্ট টীম ৰ ৰূপত এটা বিকল্পও আগবঢ়াইছে।
যদি আপুনি স্কাইপৰ পৰা মাইক্ৰছফ্ট টীম লৈ পৰিৱৰ্তন কৰিব বিচাৰে, তেনেহলে আপোনাৰ নিজৰ ডাটা স্থানান্তৰ কৰাৰ বিকল্পও থাকিব।
মাইক্ৰছফ্ট টীম মুকলি হোৱাৰ পিছৰে পৰা, কোম্পানীটোৱে স্কাইপ ব্যৱহাৰকাৰীসকলক ইয়ালৈ স্থানান্তৰ কৰিবলৈ অনুৰোধ কৰি আহিছে।
কোম্পানীৰ মতে, স্কাইপত উপলব্ধ সকলো সুবিধা মাইক্ৰছফ্ট টীমত আছে। অৱশ্যে, স্কাইপত নোপোৱা বহুতো সুবিধা আছে টীমত।
উল্লেখ্য যে স্কাইপ ২০০৩ চনত মুকলি কৰা হৈছিল। ২০১১ চনত, ইয়াক মাইক্ৰছফ্টে অধিগ্ৰহণ কৰিছিল। বহু বছৰ ধৰি, ই ভিডিঅ’ কলিংৰ বাবে এক আগশাৰীৰ এপ হৈ আহিছে।
