প্ৰধানমন্ত্ৰী নৰেন্দ্ৰ মোদীৰ শ্ৰীলংকা ভ্ৰমণত চুবুৰীয়া দেশ দুখনৰ মাজত বহু গুৰুত্বপূৰ্ণ চুক্তি সাক্ষৰ হয় । শনিবাৰে কলম্বোৰ ৰাষ্ট্ৰপতি সচিবালয়ত অনুষ্ঠিত দ্বিপাক্ষিক আলোচনাত প্ৰধানমন্ত্ৰী নৰেন্দ্ৰ মোদী আৰু শ্ৰীলংকাৰ ৰাষ্ট্ৰপতি অনুৰা কুমাৰ দিছানায়াকে প্ৰতিৰক্ষা, শক্তি, মন্দিৰ উন্নয়নকে ধৰি কেইবাটাও বিষয়ত একমতত উপনীত হয় । প্ৰতিৰক্ষা সহযোগিতা বৃদ্ধি আৰু শক্তিৰ কেন্দ্ৰ হিচাপে ট্ৰিংকোমালীক গঢ়ি তোলাকে ধৰি দুয়োখন দেশে কেইবাখনো গুৰুত্বপূৰ্ণ চুক্তিত স্বাক্ষৰ কৰে ।
স্বাস্থ্য আৰু চিকিৎসাৰ ক্ষেত্ৰত সহযোগিতাৰ চুক্তি স্বাক্ষৰিত-
অন্যান্য বুজাবুজি চুক্তিসমূহৰ ভিতৰত আছে শক্তিৰ আমদানি/ৰপ্তানিৰ বাবে এইচ ভি ডি চি আন্তঃসংযোগ ৰূপায়ণ; ইয়াৰ ভিতৰত ডিজিটেল ৰূপান্তৰৰ বাবে বৃহৎ পৰিসৰত ৰূপায়িত সফল ডিজিটেল সমাধানৰ ভাগ-বতৰাত সহযোগিতা, পূব প্ৰদেশৰ বাবে বহুখণ্ডীয় অনুদানৰ সমৰ্থন, স্বাস্থ্যসেৱাৰ ক্ষেত্ৰত সহযোগিতা আৰু ফাৰ্মাকোপিয়া সহযোগিতা আদি অন্তৰ্ভুক্ত ।
ஜனாதிபதி அநுரகுமார திசாநாயக்க அவர்களுடன் கொழும்பில் விரிவானதும் பயனுள்ளதுமான பேச்சுகளில் ஈடுபட்டிருந்தேன். சில மாதங்களுக்கு முன்னர், ஜனாதிபதியாக பதவியேற்றபின்னர் தனது முதலாவது வெளிநாட்டு பயணத்துக்காக ஜனாதிபதி அநுர குமார திசாநாயக்க அவர்கள் இந்தியாவை தெரிவுசெய்திருந்தார். தற்போது,… pic.twitter.com/7h5roeIQyO
— Narendra Modi (@narendramodi) April 5, 2025
শ্ৰীলংকাত অৱস্থিত মন্দিৰৰ উন্নয়নত ভাৰতে সহায় কৰিব-
লগতে ত্ৰিংকোমালীৰ থিৰুকনেশ্বৰম মন্দিৰ, নুৱাৰা এলিয়াৰ সীতা এলিয়া মন্দিৰ আৰু অনুৰাধাপুৰাত পবিত্ৰ নগৰ কমপ্লেক্স প্ৰকল্পৰ উন্নয়নৰ বাবে ভাৰতৰ পৰা সাহায্য অনুদান; ‘আন্তঃৰাষ্ট্ৰীয় ভেছাক দিৱস ২০২৫’ত শ্ৰীলংকাত ভগৱান বুদ্ধৰ ধ্বংসাৱশেষ প্ৰদৰ্শন; ঋণ পুনৰ্গঠনৰ ক্ষেত্ৰতো দ্বিপাক্ষিক সংশোধনী চুক্তি স্বাক্ষৰিত হয় ।
ডাম্বুল্লাত নিৰ্মাণ হ’ব ৫০০০ মেট্ৰিক টন গুদাম-
দুয়োগৰাকী নেতাই যৌথভাৱে কৃষিৰ ক্ষেত্ৰত হাই ইমপেক্ট কমিউনিটি ডেভেলপমেণ্ট প্ৰজেক্ট, ডাম্বুল্লাত প্ৰথমটো ৫০০০ মেট্ৰিক টন উষ্ণতা নিয়ন্ত্ৰিত গুদাম আৰু শ্ৰীলংকাৰ ২৫খন জিলাৰ আটাইকেইখনতে ধৰ্মীয় স্থানত ৫০০০ সৌৰ ছাদৰ ইউনিটৰ উদ্বোধন কৰে ।
দুয়োজন নেতাই ১২০ মেগাৱাট শক্তিৰ সম্পুৰ সৌৰ প্ৰকল্পৰ আৰম্ভণিৰ বাবে এক ভাৰ্চুৱেল ভূমিপূজন অনুষ্ঠানতো অংশগ্ৰহণ কৰে ।
প্ৰধানমন্ত্ৰী মোদীক শ্ৰীলংকাৰ সৰ্বোচ্চ অসামৰিক বঁটা ‘মিত্ৰ বিভূষণ’ প্ৰদান-
ইয়াৰ পূৰ্বে শ্ৰীলংকাই প্ৰধানমন্ত্ৰী নৰেন্দ্ৰ মোদীক দেশখনৰ সৰ্বোচ্চ সন্মান ‘মিত্ৰ বিভূষণ’ৰে সন্মানিত কৰে । ৰাষ্ট্ৰপতি দিছানায়াকে তেওঁক এই সন্মান প্ৰদান কৰে । প্ৰধানমন্ত্ৰী মোদীক বিদেশী ৰাষ্ট্ৰই প্ৰদান কৰা এয়া ২২ সংখ্যক আন্তঃৰাষ্ট্ৰীয় সন্মান ।
দুয়োখন দেশৰ মাজত ৭খন গুৰুত্বপূৰ্ণ চুক্তি স্বাক্ষৰিত-
দুয়োখন দেশৰ মুৰব্বীৰ মাজত হোৱা আলোচনাৰ সময়ত দুয়োখন দেশৰ নিৰাপত্তা আন্তঃসংযোগী আৰু ইখনে সিখনৰ ওপৰত নিৰ্ভৰশীল বুলি গুৰুত্ব আৰোপ কৰা হয় । প্ৰধানমন্ত্ৰী মোদী আৰু শ্ৰীলংকাৰ ৰাষ্ট্ৰপতি অনুৰা কুমাৰ দিছানায়াকেৰ মাজত বিস্তৃত আলোচনাৰ অন্তত স্বাক্ষৰিত হোৱা সাতখন গুৰুত্বপূৰ্ণ চুক্তিৰ ভিতৰত এই প্ৰতিৰক্ষা চুক্তি অন্যতম ।
শ্ৰীলংকাত ভাৰতীয় সেনাৰ হস্তক্ষেপৰ ৪ দশকৰ পাছত বৃহৎ চুক্তি-
এই প্ৰতিৰক্ষা চুক্তিক কৌশলগত সম্পৰ্ক শক্তিশালী কৰাৰ দিশত এক ডাঙৰ পদক্ষেপ বুলি বিবেচিত হৈছে । শ্ৰীলংকাত ভাৰতীয় শান্তি ৰক্ষা বাহিনীৰ হস্তক্ষেপৰ প্ৰায় চাৰি দশকৰ পাছত এই চুক্তিত উপনীত হৈছে । ত্ৰিংকোমালিক শক্তিৰ কেন্দ্ৰ হিচাপে গঢ়ি তোলাৰ বাবেও দুয়োখন দেশে চুক্তিত স্বাক্ষৰ কৰে ।
