আপুনি হয়তো প্ৰায়ে অনুভৱ কৰে যে ৫০০ টকীয়া নোট এখন লৈ ঘৰৰ পৰা ওলাই গ’লে বজাৰত ই নজনাকৈয়ে নোহোৱা হ’বলৈ আৰম্ভ কৰে । অফিচলৈ যোৱাই হওক, বন্ধু-বান্ধৱীক লগ পোৱাই হওক বা কিছুমান সৰু সৰু বজাৰ কৰাই হওক, খৰচবোৰ অপ্ৰয়োজনীয়ভাৱে বাঢ়ি গৈ থাকে । এনে পৰিস্থিতিয়ে মাহিলী বাজেটত প্ৰভাৱ পেলোৱাই নহয় মানসিক চাপৰো সৃষ্টি কৰে । গতিকে এই খৰচবোৰ কেনেকৈ নিয়ন্ত্ৰণ কৰিব পাৰি জানো আহক ।
খৰচ কেনেকৈ কম কৰিব-
বাজেট বনাওক আৰু অনুসৰণ কৰক-
আপোনাৰ প্ৰথম পদক্ষেপ হ’ল এটা সম্ভৱপৰ বাজেট তৈয়াৰ কৰা । আপোনাৰ মাহিলী আয়ৰ ওপৰত ভিত্তি কৰি অত্যাৱশ্যকীয় খৰচ (ভাড়া, বিল, ৰেচন) আৰু অতিৰিক্ত খৰচ (মনোৰঞ্জন, বাহিৰত খোৱা)ৰ বাবে সীমা নিৰ্ধাৰণ কৰক । ঘৰৰ পৰা ওলাই অহাৰ আগতে প্ৰতিবাৰেই কিমান খৰচ কৰিব বিচাৰে সেইটো নিৰ্ণয় কৰক আৰু তাতকৈ বেছি খৰচ নকৰিব । আপোনাৰ ফোনত বাজেট লিখি থওক যাতে প্ৰয়োজনৰ সময়ত চাব পাৰে ।
নগদ ধন ব্যৱহাৰ কৰক-
ডিজিটেল বা ইউ পি আই পেমেণ্টে খৰচ কৰাটো সহজ কৰি তুলিছে যদিও ইয়াৰ ফলত অনিয়ন্ত্ৰিত খৰচো হয় । ঘৰৰ পৰা ওলাই গ’লে নগদ ধন নিজৰ লগত ৰাখক আৰু সেইটোৰে মেনেজ কৰক । যেতিয়া আপোনাৰ পকেটত সীমিত ধন থাকিব তেতিয়া অপ্ৰয়োজনীয় খৰচৰ পৰা হাত সাৰিব পাৰিব ।
বাহিৰত খাদ্য খোৱাৰ অভ্যাস সংযত কৰক-
কফি দোকানত কফি একাপ খালে বা বন্ধু-বান্ধৱীৰ সৈতে বাহিৰত খাদ্য গ্ৰহণ কৰিলে প্ৰায়ে বাজেট নষ্ট হয় । ঘৰৰ পৰা খাদ্য পেক কৰি অফিচ বা কলেজলৈ লৈ যাওক বা সস্তা বিকল্প বাছি লওক । সৰু সৰু সঞ্চয়ে দীৰ্ঘম্যাদীভাৱে ডাঙৰ প্ৰভাৱ পেলায় ।
প্ৰয়োজন আৰু অভাৱৰ পাৰ্থক্য বুজক-
বহু সময়ত আমি প্ৰয়োজন আৰু ইচ্ছা মিলাই লওঁ । উদাহৰণস্বৰূপে, খাদ্য খোৱাটো আপোনাৰ বাধ্যবাধকতা, কিন্তু পাঁচ তাৰকা হোটেলত পাৰ্টি কৰাটো আপোনাৰ ইচ্ছা, যিটো ব্যয়বহুল বুলি প্ৰমাণিত হ’ব পাৰে । ঘৰৰ পৰা ওলোৱাৰ আগতে কিনিবলৈ প্ৰয়োজনীয় বস্তুৰ তালিকা এখন বনাওক । আপুনি হয়তো বজাৰত প্ৰায়ে অপ্ৰয়োজনীয় ব্যয় কৰি আছে, যিটো এৰাই চলাটো ভাল । যদি প্ৰয়োজন নাই তেন্তে দোকানলৈ নাযাব ।
ৰাজহুৱা পৰিবহণ ব্যৱহাৰ কৰক-
আমাৰ উপাৰ্জন অলপ বৃদ্ধি হ’লে আমি নিজৰ গাড়ী বা বাইক ব্যৱহাৰ কৰি ভাল পাওঁ, কিন্তু পেট্ৰ’লৰ বৰ্ধিত মূল্যই আমাৰ পকেটত বোজা দিবলৈ আৰম্ভ কৰে । এনে পৰিস্থিতিত বাছ, মেট্ৰ’, ই-ৰিক্সা, শ্বেয়াৰড অটো বা আন যিকোনো ৰাজহুৱা পৰিবহণ ব্যৱহাৰ কৰক । বহু চহৰত গাড়ী পুলিঙৰ জৰিয়তে মানুহে প্ৰতিমাহে হাজাৰ হাজাৰ টকা সঞ্চয় কৰে । সম্ভৱ হ’লে খোজকাঢ়ি বা চাইকেল ব্যৱহাৰ কৰক, ইয়াৰ দ্বাৰা ধন ৰাহি হোৱাই নহয়, স্বাস্থ্যও ভাল হৈ থাকিব ।
