চৰকাৰে আকৌ এবাৰ গুগল প্লে ষ্টোৰৰ পৰা ১১৯ টা চীনা এপ আঁতৰাবলৈ নিৰ্দেশ দিছে। এই এপবোৰৰ চীন আৰু হংকঙৰ ডেভলপাৰ সকলৰ সৈতে লিংক আছে।
বেছিভাগ নিষিদ্ধ এপত ভিডিঅ’ আৰু ভইচ চেট প্লেটফৰ্ম অন্তৰ্ভুক্ত আছে।এই সকলোবোৰ এপ ভাৰতৰ গুগল প্লে ষ্টোৰত তালিকাভুক্ত কৰা হৈছিল।
শেহতীয়া এক প্ৰতিবেদন অনুসৰি, এই এপবোৰে ভাৰতৰ ৰাষ্ট্ৰীয় সুৰক্ষা আৰু সাৰ্বভৌমত্বৰ প্ৰতি ভাবুকি সৃষ্টি কৰিছে। ভাৰতে ২০২০ চনত ডিজিটেল ষ্ট্ৰাইকৰ সময়ত প্ৰথমবাৰৰ বাবে টিকটক আৰু শ্বেৰিটকে ধৰি শ শ চীনা এপ নিষিদ্ধ কৰিছিল।
এই নিষিদ্ধ চীনা এপবোৰ আমেৰিকা যুক্তৰাষ্ট্ৰৰ হাৰ্ভাৰ্ড বিশ্ববিদ্যালয়ৰ দ্বাৰা পৰিচালিত লুমেন ডাটাবেছত তালিকাভুক্ত কৰা হৈছে।
২০২০ চনৰ ২০ জুন তাৰিখে, ভাৰতে ১০০ ৰো অধিক চীনা এপ নিষিদ্ধ কৰে। ইয়াৰ উপৰিও, ২০২১ আৰু ২০২২ চনত, ডিজিটেল ষ্ট্ৰাইকৰ অংশ হিচাপে ভাৰতত আৰু কেইবাটাও চীনা এপ নিষিদ্ধ কৰা হৈছিল।
কেন্দ্ৰীয় চৰকাৰে আইটি আইন ৬৯এ ৰ অধীনত চীনা এপসমূহৰ ওপৰত নিষেধাজ্ঞা ৰখাৰ নিৰ্দেশ দিছে। কিছুমান নিষিদ্ধ এপ্প ছিংগাপুৰ, আমেৰিকা যুক্তৰাজ্য, ইউকে আৰু অষ্ট্ৰেলিয়াৰ বিকাশকসকলৰ পৰাও আহিছে।
কেন্দ্ৰীয় চৰকাৰে এপ্পবোৰ নিষিদ্ধ কৰিছে, তেওঁলোকৰ ৰাজহুৱা প্ৰৱেশাধিকাৰ সীমিত কৰিছে।
নিষিদ্ধ হোৱা এপ সমূহৰ ভিতৰত কেৱল তিনিটা এপ্পৰ কথা উল্লেখ কৰা হৈছে, যাৰ ভিতৰত আছে ছিংগাপুৰ-আধাৰিত ভিডিঅ’ চেট আৰু গেমিং প্লেটফৰ্ম চিলচেট। এই এপটো মেংগোষ্ট’ৰ দলৰ দ্বাৰা বিকশিত কৰা হৈছে।
