আই চি চি চেম্পিয়নছ ট্ৰফী ২০২৫ৰ বাবে ভাৰতীয় দল ঘোষণা । ১৮ জানুৱাৰী (শনিবাৰ) মুম্বাইত অনুষ্ঠিত সংবাদমেলত মুখ্য নিৰ্বাচক অজিত আগৰকাৰে দল ঘোষণা কৰে । চেম্পিয়নছ ট্ৰফীত ভাৰতীয় দলটোৰ নেতৃত্ব দিব ৰোহিত শৰ্মাই । এইবাৰ ‘হাইব্ৰিড মডেল’ৰ অধীনত পাকিস্তান আৰু ডুবাইত অনুষ্ঠিত হ’ব চেম্পিয়নছ ট্ৰফী । প্ৰতিযোগিতাখনৰ প্ৰথমখন খেল ১৯ ফেব্ৰুৱাৰীত কৰাচীত আয়োজক পাকিস্তান আৰু নিউজীলেণ্ডৰ মাজত অনুষ্ঠিত হ’ব । আনহাতে ভাৰতীয় দলটোৱে ২০ ফেব্ৰুৱাৰীত বাংলাদেশৰ বিৰুদ্ধে প্ৰথমখন খেল খেলিব ।
গীলক এই দায়িত্ব, যশস্বী-ছামীৰ প্ৰত্যাৱৰ্তন-
শুভমন গীলক চেম্পিয়নছ ট্ৰফীৰ সহ-অধিনায়ক হিচাপে নিযুক্তি দিয়া হৈছে । আনহাতে মহম্মদ ছিৰাজে দলৰ পৰা বাহিীৰ হৈছে । ‘আঘাতপ্ৰাপ্ত’ যশপ্ৰীত বুমৰাহেও দলত স্থান লাভ কৰিছে । আনহাতে যশস্বী জয়ছোৱাল প্ৰথমবাৰৰ বাবে এদিনীয়া দলৰ অংশ হৈ হৈছে । ১৪ মাহৰ পাছত এদিনীয়া দললৈ ঘূৰি আহিছে ফাষ্ট বলাৰ মহম্মদ ছামী । আনহাতে অৰ্শদীপ সিঙেও দলত স্থান লাভ কৰিছে । আনহাতে বেগী বলাৰ মহম্মদ ছিৰাজ দলৰ অংশ নহয়।
চেম্পিয়নছ ট্ৰফীৰ বাবে ১৫ জনীয়া ভাৰতীয় দল : ৰোহিত শৰ্মা (অধিনায়ক), শুভমন গীল (উপ-অধিনায়ক), বিৰাট কোহলী, শ্ৰেয়াছ আয়েৰ, কে এল ৰাহুল (উইকেটকীপাৰ), ঋষভ পন্ট (উইকেটকীপাৰ), হাৰ্দিক পাণ্ডিয়া, যশস্বী জয়ছোৱাল, ৰবীন্দ্ৰ জাডেজা, অক্ষৰ পেটেল, কুলদীপ যাদৱ, যশপ্ৰীত বুমৰাহ, মহম্মদ ছামী, অৰ্শদীপ সিং, ৱাশ্বিংটন সুন্দৰ ।
চেম্পিয়নছ ট্ৰফী ২০২৫ত ৮টা দলৰ মাজত মুঠ ১৫খন খেল অনুষ্ঠিত হ’ব । দলকেইটাক ২টা গ্ৰুপত ভাগ কৰা হৈছে । ভাৰত আৰু পাকিস্তান একেটা গ্ৰুপ-এত আছে । তেওঁলোকৰ লগত থকা আন দুটা দল হ’ল নিউজীলেণ্ড আৰু বাংলাদেশ । আনহাতে দক্ষিণ আফ্ৰিকা, অষ্ট্ৰেলিয়া, আফগানিস্তান আৰু ইংলেণ্ডক গ্ৰুপ বিত স্থান দিয়া হৈছে । ৮ টা দলে নিজ নিজ গ্ৰুপত ৩-৩ খন খেল খেলিব । ইয়াৰ পিছত প্ৰতিটো গ্ৰুপৰ শীৰ্ষ ২ টা দলে ছেমি ফাইনেলৰ বাবে যোগ্যতা অৰ্জন কৰিব ।
প্ৰথমখন ছেমি ফাইনেল ডুবাইত অনুষ্ঠিত হোৱাৰ বিপৰীতে দ্বিতীয়খন লাহোৰত অনুষ্ঠিত হ’ব । ইয়াৰ পিছত চূড়ান্ত মেচ অনুষ্ঠিত হ’ব । এনে পৰিস্থিতিত যদি কোনো দলে ফাইনেলত প্ৰৱেশ কৰে তেন্তে প্ৰতিযোগিতাখনত মুঠ ৫ খন মেচ খেলিব । চেম্পিয়নছ ট্ৰফীৰ এই ১৫ খন মেচৰ আটাইকেইখন ৪ টা স্থানত অনুষ্ঠিত হ’ব । পাকিস্তানত ৩ টা ভেন্যু হব । আনহাতে এটা স্থান হ’ব ডুবাই । ভাৰতীয় দলটোৱে নিজৰ সকলো মেচ কেৱল ডুবাইতহে খেলিব । ভাৰতীয় দলটোৱে যদি যোগ্যতা অৰ্জন কৰে তেন্তে ডুবাইত অনুষ্ঠিত হ’ব ফাইনেল । অন্যথা ৯ মাৰ্চত লাহোৰত অনুষ্ঠিত হ’ব খিতাপৰ মেচ । ছেমি ফাইনেল মেচ আৰু ফাইনেলৰ
