গাজাত ইজৰাইলৰ বিমান আক্ৰমণ অব্যাহত আছে।বৃহস্পতিবাৰে উত্তৰ গাজাৰ দুখন বিদ্যালয়ত ইজৰাইলৰ বায়ুসেনাই আক্ৰমণ কৰে।এই আক্ৰমণত ৩৩ জন লোকৰ মৃত্যু হৈছে।
নিহতসকলৰ অধিকাংশই শিশু আৰু মহিলা বুলি জানিব পৰা গৈছে। আহত একাংশৰ অৱস্থা সংকটজনক হোৱাৰ ফলত মৃত্যুৰ সংখ্যা বৃদ্ধি পাবও পাৰে।
স্থানীয় কৰ্তৃপক্ষই জনোৱা মতে, এই আক্ৰমণত নিহত শিশুসকলৰ বয়স ৫ৰ পৰা ১৫ বছৰৰ ভিতৰত।আক্ৰমণৰ বলি হোৱা বিদ্যালয়সমূহ ইতিমধ্যে শৰণাৰ্থীৰ আশ্ৰয় শিবিৰলৈ ৰূপান্তৰিত কৰা হৈছিল।
ৰাষ্ট্ৰসংঘ আৰু অন্যান্য আন্তঃৰাষ্ট্ৰীয় সংস্থাসমূহে এই কাণ্ডক তীব্ৰ গৰিহণা দিয়াৰ লগতে নিৰীহ সাধাৰণ নাগৰিক, শিশুৰ সুৰক্ষাৰ প্ৰয়োজনীয়তাৰ ওপৰত বিশেষ গুৰুত্ব আৰোপ কৰা হৈছে।
দৰাচলতে গাজাত চলি থকা যুদ্ধৰ ফলত ক্ষতিগ্ৰস্ত বহু পৰিয়ালে বিদ্যালয়খনৰ ভিতৰতে আশ্ৰয় লৈ আছিল। বৃহস্পতিবাৰে বিদ্যালয়খনত হঠাৎ প্ৰচণ্ড বিস্ফোৰণৰ শব্দ শুনা গৈছিল।
সেই সময়ত তাত থকা সকলো ল’ৰা-ছোৱালীয়ে পঢ়া-শুনা কৰি আছিল।এই কাণ্ডই কেৱল গাজাৰ বাবেই নহয়, বিশ্ববাসীৰ বাবেও সোঁৱৰাই দিছে যে সংঘাতৰ অঞ্চলত শিশুসকলক সুৰক্ষা দিয়াটো কিমান গুৰুত্বপূৰ্ণ।
আন্তঃৰাষ্ট্ৰীয় সমাজ আৰু মানৱ অধিকাৰ সংগঠনসমূহে যুদ্ধৰ শীঘ্ৰে অন্ত পেলাবলৈ আৰু হিংসাৰ ফলত ক্ষতিগ্ৰস্ত শিশুসকলৰ সুৰক্ষা নিশ্চিত কৰিবলৈ আবেদন জনাইছে।
