চাইবাৰ প্ৰৱঞ্চকে মানুহক প্ৰতাৰণা কৰিবলৈ বিভিন্ন পদ্ধতি ব্যৱহাৰ কৰে । প্ৰতাৰণাৰ এই জালত, বহুতো সহজ-সৰল ব্যক্তি আৱদ্ধ হৈ পৰে । ফলত পৰৱৰ্তী সময়ত, তেওঁলোকে তেওঁলোকৰ জীৱনজোৰা উপাৰ্জন হেৰুৱায় । সংবাদ মাধ্যমৰ প্ৰতিবেদন অনুসৰি, এই বছৰৰ প্ৰথম ৬ মাহত, পঞ্জীভুক্ত অভিযোগৰ ওপৰত আধাৰিত কৰি ২৬,০০০ লোকৰ সৈতে ইউ পি আই-সম্পৰ্কীয় প্ৰৱঞ্চনা সংঘটিত হৈছে ।
আজি, আমি আপোনাক সাধাৰণ ইউ পি আই প্ৰৱঞ্চনা কেলেংকাৰীৰ বিষয়ে ক’বলৈ গৈ আছোঁ । য’ত বহুতো নিৰীহ লোক এই প্ৰৱঞ্চনাৰ বলি হয়, তেওঁলোকৰ কঠোৰ পৰিশ্ৰমৰ ধন হেৰুৱায় ।
ভুৱা পেমেন্ট স্ক্ৰীণশ্বট-
চাইবাৰ অপৰাধীয়ে ধন প্ৰেৰণৰ বিষয়ে তথ্য থকা এটা ভুৱা ছবি সৃষ্টি কৰে । এই কৌশল ব্যৱহাৰ কৰি, তেওঁলোকে ভুক্তভোগীৰ পৰা তেওঁলোকৰ ধন ঘূৰাই বিচাৰে । এনে কৰোতে, তেওঁলোকে এই কেলেংকাৰী সংঘটিত কৰে ।
বন্ধুৰ অভিনয় কৰি টকা বিচৰা-
প্ৰৱঞ্চকে বন্ধু বা আত্মীয় আদিৰ অভিনয় কৰিবলৈ AI Voice Cloning আৰু Deepfake আদি ব্যৱহাৰ কৰে । ইয়াৰ পিছত তেওঁলোকে কিবা প্ৰয়োজন বা জৰুৰী অৱস্থাৰ অজুহাতত টকা বিচাৰে ।
ভুৱা UPI QR Code ৰ দ্বাৰা প্ৰতাৰণা-
চাইবাৰ প্ৰৱঞ্চকে মানুহক প্ৰতাৰণা কৰিবলৈ Fake UPI QR Code ব্যৱহাৰ কৰে । ইয়াৰ পিছত এই ভুৱা QR Code সমূহে ব্যৱহাৰকাৰীক এটা ভুৱা ৱেবছাইটলৈ লৈ যায় আৰু তেওঁলোকক পেমেণ্ট কৰিবলৈ কয় ।
স্ক্ৰীণ মনিটৰিং এপ-
বহু সন্দেহজনক এপে ভুক্তভোগীৰ স্ক্ৰীণ ৰেকৰ্ড কৰে । ইয়াৰ পিছত তেওঁলোকে বেংকৰ লগইন আৰু ইউ পি আই আদি আৰু ইয়াৰ ক’ড চুৰি কৰে । ইয়াৰ পিছত তেওঁলোকে অতি সহজেই বেংক একাউণ্টৰ পৰা ধন চুৰি কৰিব পাৰে ।
চাইবাৰ প্ৰৱঞ্চকৰ পৰা কেনেকৈ ৰক্ষা পাব-
চাইবাৰ প্ৰৱঞ্চকৰ পৰা নিজকে ৰক্ষা কৰিবলৈ কিছুমান গুৰুত্বপূৰ্ণ কথা মনত ৰখা উচিত । আজি আমি আপোনালোকক দিম গুৰুত্বপূৰ্ণ টিপচ্, যিবোৰ ব্যৱহাৰ কৰি আপুনি চাইবাৰ জালিয়াতিৰ পৰা নিজকে ৰক্ষা কৰিব পাৰিব ।
UPI Pin শ্বেয়াৰ নকৰিব-
UPI PIN আচলতে আপোনাৰ ডেবিট কাৰ্ডৰ ATM PIN ৰ দৰেই । ইয়াক কাৰো লগত শ্বেয়াৰ নকৰিব । প্ৰৱঞ্চকে গ্ৰাহক সহায়ক বা বেংকৰ বিষয়াৰ ৰূপ লৈ ইউ পি আই পিন বা অ’টিপি বিচাৰিব পাৰে । এনে পৰিস্থিতিত পিন ক’ড কাৰো লগত শ্বেয়াৰ নকৰিব ।
পেমেণ্ট লাভ কৰাৰ সময়ত সাৱধান হওক-
পেমেণ্ট কৰিবলৈ ইউ পি আই পিন দিব নালাগে বা পেমেণ্ট ৰিকুৱেষ্টত ক্লিক কৰিব নালাগে । কোনোবাই যদি আপোনাক পিন দিবলৈ কয় তেন্তে তেওঁ গোপনে আপোনাৰ বেংক একাউণ্টত সোমাব পাৰে ।
অবাঞ্চিত পেমেণ্ট লিংকৰ পৰা সাৱধান হওক-
এছ এম এছ, ই-মেইল বা মেছেজিং এপৰ জৰিয়তে প্ৰেৰণ কৰা কোনো অজ্ঞাত পেমেণ্ট লিংকত ক্লিক নকৰিব । প্ৰৱঞ্চকে প্ৰায়ে এই লিংকসমূহ ব্যৱহাৰ কৰি আপোনাৰ বেংকৰ তথ্য আৰু ব্যক্তিগত তথ্য চুৰি কৰে ।
আপোনাৰ স্মাৰ্টফোনটো সুৰক্ষিত ৰাখক-
স্মাৰ্টফোনটো সুৰক্ষিত ৰখাৰ বাবে ইয়াক শক্তিশালী পাছৱৰ্ড, ফিংগাৰপ্ৰিণ্ট বা ফেচ লকৰে সুৰক্ষিত কৰাটো গুৰুত্বপূৰ্ণ । ইয়াৰ বাবে আপুনি এন্টিভাইৰাছ আদি ব্যৱহাৰ কৰিব পাৰে ।
