হুমা কুৰেছিৰ ৰাজনৈতিক ৱেব চিৰিজ ‘মহাৰাণী’ ক দৰ্শকে যথেষ্ট ভাল পাইছিল। চনি লিভত প্ৰচাৰিত ৱেব চিৰিজখনৰ এতিয়ালৈকে তিনিটা চিজন আছে।
একে সময়তে, অনুৰাগীসকলে ‘মহাৰাণী’ৰ চতুৰ্থ চিজনৰ বাবে অপেক্ষা কৰি আছিল আৰু ইয়াৰ মাজতে, হুমা কুৰেছিয়ে চিৰিজটোৰ চতুৰ্থ চিকুৱেলৰ কথা ঘোষণা কৰিছে।
হুমা কুৰেছিয়ে বহু ছবি বা ৱেব চিৰিজ কৰিছে যদিও ‘মহাৰাণী’ৰ ৱেব চিৰিজৰ পৰা যি স্বীকৃতি লাভ কৰিলে সেয়া কোনো চলচ্চিত্ৰৰ পৰা লাভ কৰিব পৰা নগ’ল। অভিনেত্ৰীগৰাকীয়ে নিজেই এই বিষয়ে মুকলিকৈ কৈছে।
এটা সাক্ষাৎকাৰ হুমা কুৰেছিয়ে কৈছে যে “এটা উদ্যোগ হিচাপে, সময় আহি পৰিছে যে আমি নিজৰ ভিতৰলৈ চাওঁ আৰু আমি আমাৰ কাহিনীবোৰ কেনেকৈ বেলেগধৰণে উপস্থাপন কৰিব পাৰোঁ সেই বিষয়ে চিন্তা কৰাৰ সময় আহি পৰিছে”।
“দৰ্শকসকলে আমাৰ পৰা কি আশা কৰিছে বা তেওঁলোকে কিহৰ বাবে সাজু। মই ষ্ট্ৰীমিং প্ৰকল্প, ডাঙৰ চলচ্চিত্ৰ আৰু ইণ্ডি চলচ্চিত্ৰ মিহলি কৰি আছোঁ। মই সেইটোৱেই কৰিব বিচাৰো, সকলো ঠাইতে মোৰ বাজি ৰাখিব লাগিব।”
মহাৰাণী ৱেব চিৰিজখনৰ ৩ টা চিজনৰ পৰা পোৱা সফলতাৰ পিছত অভিনেত্ৰী গৰাকীয়ে ‘মহাৰাণী’ৰ চিজন ৪ ৰ কথা উল্লেখ কৰি কয় যে “শীঘ্ৰেই দৰ্শকৰ মাজলৈ আহিব মহাৰাণী’ৰ চিজন ৪”। অভিনেত্ৰী গৰাকীৰ ঘোষণাৰ পিছতেই আনন্দিত হৈছে দৰ্শকসকল।
