বৰ্তমান সময়ত সাম্প্ৰদায়িকতাৰ জুইত জ্বলি আছে বাংলাদেশ। হিন্দুসকলক নিৰন্তৰ আক্ৰমণ লক্ষ্য কৰি লোৱা হৈছে।এনে পৰিস্থিতিত, আমেৰিকাৰ পৰা এক ডাঙৰ বিবৃতি আহিছে, য’ত কোৱা হৈছে যে জ’ বাইডেন প্ৰশাসনে বাংলাদেশৰ প্ৰতি বিশেষ মনোযোগ দিয়া নাই। কিন্তু এতিয়া ট্ৰাম্প হোৱাইট হাউচলৈ পুনৰ উভতি আহি আছে।
আমেৰিকা যুক্তৰাষ্ট্ৰৰ আন্তৰ্জাতিক ধৰ্মীয় স্বাধীনতা আয়োগৰ (ইউএছচিআইআৰএফ) প্ৰাক্তন আয়ুক্ত জনি মূৰে কৈছে যে, “আমেৰিকাৰ জ’ বাইডেন প্ৰশাসনে বাংলাদেশৰ প্ৰতি বিশেষ মনোযোগ দিয়া নাই। এই সময় কেৱল বাংলাদেশৰ সংখ্যালঘুসকলৰ বাবেই নহয়, সমগ্ৰ দেশৰ অস্তিত্বৰ প্ৰতি ভাবুকিৰ দৰে”।
তেওঁ কয় যে “কিন্তু ডনাল্ড ট্ৰাম্পে এটা শক্তিশালী দলৰ সৈতে কাৰ্যভাৰ গ্ৰহণ কৰিবলৈ গৈ আছে।এই দলটোৱে আমেৰিকান মূল্যবোধৰ পক্ষত আছে আৰু ভাৰতক সহযোগী হিচাপে চায়”।
মূৰে আৰু কয় “মই আচৰিত যে বৰ্তমানৰ আমেৰিকা যুক্তৰাষ্ট্ৰৰ চৰকাৰে বাংলাদেশৰ প্ৰতি বিশেষ মনোযোগ দিয়া দেখা নাযায়।কিন্তু সত্যটো হ’ল যে আমেৰিকাত চৰকাৰ পৰিৱৰ্তন হ’বলৈ গৈ আছে, যাৰ এক অতুলনীয় বৈদেশিক নীতি থাকিব”।
“কিন্তু মই ক’ব পাৰোঁ যে ট্ৰাম্প হোৱাইট হাউচলৈ ঘূৰি আহিছে, আৰু আমেৰিকাৰ মূল্যবোধত নিহিত তেওঁৰ দলটোৱে এক উন্নত ভৱিষ্যতৰ বাবে কাম কৰিব। ট্ৰাম্পৰ দলটোৱে ভাৰতক এক অত্যাৱশ্যকীয় সহযোগী হিচাপে চায়। এই মুহূৰ্তত বিশ্বজুৰি ৫০ খনতকৈও অধিক যুদ্ধ চলি আছে”।
দৰাচলতে বাংলাদেশত সংখ্যালঘুসকলৰ বিৰুদ্ধে হিংসাৰ ওপৰত আমেৰিকা যুক্তৰাষ্ট্ৰৰ স্থিতিৰ বিষয়ে মূৰক প্ৰশ্ন সোধা হৈছিল। তেওঁক সোধা হৈছিল যে এনে পৰিস্থিতিত ট্ৰাম্প প্ৰশাসনে বাইডেন প্ৰশাসনতকৈ বেলেগ ধৰণে কি কৰিব? সেই প্ৰশ্নত তেওঁ উত্তৰ দিয়ে যে “পৃথিৱীত এনে কোনো প্ৰত্যাহ্বান নাই যাক সমাধান কৰিব নোৱাৰি”।
