নাছাৰ প্ৰবীণ মহাকাশচাৰী সুনীতা উইলিয়ামছ অলপতে স্পেচএক্সৰ ক্ৰু ড্ৰেগন কেপচুলত পৃথিৱীলৈ উভতি আহিছিল।
এই অভিযানত ব্যৱহৃত কেপচুল আৰু ৰকেট প্ৰযুক্তি কেৱল উন্নতই নহয়, ইয়াৰ ব্যয় জানি যিকোনো লোক আচৰিত হ’ব।
নাছাৰ প্ৰবীণ মহাকাশচাৰী সুনীতা উইলিয়ামছ আৰু তেওঁৰ সহকৰ্মী বুচ উইলমোৰে অলপতে আন্তৰ্জাতিক মহাকাশ কেন্দ্ৰৰ (আইএছএছ) পৰা স্পেচএক্সৰ ক্ৰু ড্ৰেগন কেপচুলৰ জৰিয়তে পৃথিৱীলৈ সফলতাৰে উভতি আহিছিল।
এই অভিযানটো কেইবাটাও কাৰণত চৰ্চাত আছে, যাৰ ভিতৰত এটা প্ৰমুখ্য কাৰণ হৈছে এই বিশেষ কেপচুলটো। যাৰ মূল্যই সকলোকে আচৰিত কৰিছে।
এই স্পেচএক্স ক্ৰু ড্ৰেগন কেপচুলৰ ব্যয় প্ৰায় ১১৭০কোটি(১৪০নিযুত ডলাৰ)। ইয়াৰ উপৰিও, ফাল্কন ৯ ৰকেটটো এই অভিযানৰ বাবে ব্যৱহাৰ কৰা হৈছিল।
যাৰ উৎক্ষেপণ ব্যয় আছিল প্ৰায় ৫৮০কোটি (৬৯.৭৫নিযুত ডলাৰ)।সেয়েহে, সমগ্ৰ অভিযানটোৰ মুঠ ব্যয় প্ৰায় ১,৭৫০কোটি (২১০নিযুত ডলাৰ) হ’ব বুলি অনুমান কৰা হৈছে।
ক্ৰু ড্ৰেগন কেপচুলটো বিশেষভাৱে মহাকাশচাৰীসকলৰ সুৰক্ষা আৰু আৰামৰ কথা লক্ষ্য কৰি ডিজাইন কৰা হৈছে।ই এটা সময়ত সাতজন মহাকাশচাৰী কঢ়িয়াই নিবলৈ সক্ষম।
ইয়াৰ খালী অৱস্থাত, ইয়াৰ ওজন প্ৰায় ৭.৭০০কিলোগ্ৰাম, যি কাৰ্গো আৰু মহাকাশচাৰীৰ সৈতে সৰ্বাধিক ১২,৫০০কিলোগ্ৰাম হ’ব পাৰে।
স্পেচএক্সৰ প্ৰযুক্তিৰ এটা গুৰুত্বপূৰ্ণ দিশ হৈছে যে তাৰ ৰকেট আৰু কেপচুলবোৰ পুনৰ ব্যৱহাৰযোগ্য, যিয়ে অভিযানৰ ব্যয় হ্ৰাস কৰে।
অৱশ্যে, এই নিৰ্দিষ্ট অভিযানত সুৰক্ষা আৰু অতিৰিক্ত সুবিধাৰ প্ৰতি বিশেষ মনোযোগ দিয়া হৈছিল, যাৰ ফলত ব্যয় বৃদ্ধি হৈছিল।
ক্ৰু ড্ৰেগন কেপচুলটো ১৮ মাৰ্চত ০৫:০৫ জিএমটি (ভাৰতীয় মানক সময় অনুসৰি ১০:৩৫ বজাত) আইএছএছৰ পৰা আনডক কৰা হৈছিল।ইয়াক পৃথিৱী পাবলৈ প্ৰায় ১৭ ঘণ্টা সময় লাগিছিল।
১৯মাৰ্চত পুৱা প্ৰায় ৩.৩০বজাত (ভাৰতীয় মানক সময়) ই ফ্লৰিডাৰ উপকূলৰ ওচৰৰ আটলাণ্টিক মহাসাগৰত অৱতৰণ কৰিছিল। য’ৰ পৰা উদ্ধাৰকাৰী দলে মহাকাশচাৰীসকলক সুৰক্ষিতভাৱে উলিয়াই আনিছিল।
