উত্তৰ প্ৰদেশৰ ধামপুৰ অঞ্চলত শনিবাৰে পুৱতি নিশা এটা শোকাৱহ দুৰ্ঘটনা সংঘটিত হৈছিল।ঘন কুঁৱলীৰ ফলত এক পথ দুৰ্ঘটনাত ৭ জন লোক নিহত আৰু আন দুজন আহত হয়।
এই দুৰ্ঘটনাটো ধামপুৰৰ ডেৰাডুন-নৈনিতাল ৰাষ্ট্ৰীয় ঘাইপথত সংঘটিত হৈছিল।ঝাৰখণ্ডত বিবাহ অনুষ্ঠান সামৰি দৰা কইনাসহ পৰিয়ালটোৰ আটাইকৈইজন লোক আহি মোৰাদাবাদত ৰে’লৰ পৰা নামিছিল।
তাৰ পিছতেই ষ্টেচনৰ পৰা এখন অটো ভাড়াত লৈ ধামপুৰ টিব্ৰীত থকা তেওঁলোকৰ গাওঁলৈ গৈ আছিল পৰিয়ালটো। কিন্তু হঠাৎ পিছফালৰ পৰা তীব্ৰবেগত অহা এখন বিলাসী বাহনে মহতিয়াই নিয়ে অটোখন।
দুৰ্ঘটনাটো ইমানেই ভয়ংকৰ আছিল যে দৰা-কইনাসহ থিতাতেই ৭ জন লোকৰ মৃত্যু হয়।ঘন কুঁৱলীৰ বাবেই এই শোকাৱহ পথ দুৰ্ঘটনাটো সংঘটিত হ’ল বুলি জানিব পৰা গৈছে। বিবাহৰ দিনটোতেই মৃত্যু হ’ল দৰা কইনাৰ।
