জি-২০ৰ বাবে ব্ৰাজিলত উপস্থিত মোদী, বৈদিক মন্ত্ৰোচ্চাৰণেৰে আদৰণি প্ৰধানমন্ত্ৰীগৰাকীক

জি-২০ সন্মিলনত অংশগ্ৰহণৰ বাবে ব্ৰাজিলত উপস্থিত হৈছে প্ৰধানমন্ত্ৰী নৰেন্দ্ৰ মোদী । ব্ৰাজিলত থকা ভাৰতীয় সম্প্ৰদায়ে তেওঁক উষ্ম আদৰণি জনায় । বৈদিক জপ আৰু ভাৰতীয় শাস্ত্ৰীয় সংগীতৰ মাজতে প্ৰধানমন্ত্ৰী মোদীক আদৰণি জনোৱা হয় । উল্লেখ্য যে ব্ৰাজিলৰ ৰিঅ’ ডি জেনেৰিঅ’ত ১৮-১৯ নৱেম্বৰত অনুষ্ঠিত হ’বলগীয়া জি-২০ শীৰ্ষ সন্মিলনত বিশ্বৰ বহু নেতাক সাক্ষাৎ কৰিব প্ৰধানমন্ত্ৰী মোদীয়ে । প্ৰধানমন্ত্ৰী মোদীৰ তিনিখন দেশ ভ্ৰমণৰ এয়া দ্বিতীয়টো দিন ।

যোৱা বছৰ ভাৰতে আয়োজন কৰিছিল জি-২০-

উল্লেখ্য যে যোৱা বছৰ অৰ্থাৎ ২০২৩ চনত ভাৰতে জি-২০ সন্মিলন আয়োজন কৰিছিল । নতুন দিল্লীত অনুষ্ঠিত এই বিশ্বব্যাপী সন্মিলনত সমগ্ৰ বিশ্বৰ ৰাষ্ট্ৰপতিসকলে অংশগ্ৰহণ কৰিছিল । জি-২০ৰ উদ্দেশ্য হৈছে বিশ্ব অৰ্থনীতি সুচাৰুৰূপে চলাব পৰাকৈ সকলো সদস্য দেশৰ মাজত এক মঞ্চত উপনীত হোৱা । বিশ্ব অৰ্থনীতিত জি-২০ দেশসমূহৰ অংশ প্ৰায় ৮০ শতাংশ ।

কোনবোৰ দেশ জি-২০ৰ সদস্য ?

২৫ বছৰ পূৰ্বে ১৯৯৯ চনৰ ২৬ ছেপ্টেম্বৰত জি-২০ স্থাপন কৰা হৈছিল । জি-২০ৰ ১৯ খন সদস্য দেশক ৫ টা গোটত ভাগ কৰা হৈছে আৰু প্ৰতিটো গোটত ৪খন দেশ অন্তৰ্ভুক্ত কৰা হৈছে । ইউৰোপীয় ইউনিয়ন হৈছে আঞ্চলিক গোটৰ সৈতে জড়িত নোহোৱা ২০ সংখ্যক সদস্য । বিশ্বৰ প্ৰায় ৬০ শতাংশ জনসংখ্যা এই ২০খন দেশত বাস কৰে । একে সময়তে বিশ্বৰ ৭৫% বাণিজ্য এই জি-২০ দেশসমূহৰ মাজত হয় । ক্ষেত্ৰফলৰ ভিত্তিত চালে পৃথিৱীৰ ৮ খন ডাঙৰ দেশ ইয়াত অন্তৰ্ভুক্ত কৰা হৈছে । ৯খন পাৰমাণৱিক সশস্ত্ৰ দেশৰ ভিতৰত ৬খন দেশ জি-২০ৰ অংশ ।

গ্ৰুপ ১- আমেৰিকা, কানাডা, অষ্ট্ৰেলিয়া, চৌদি আৰব ।

গ্ৰুপ ২- ৰাছিয়া, ভাৰত, তুৰস্ক, দক্ষিণ আফ্ৰিকা ।

গ্ৰুপ ৩- মেক্সিকো, ব্ৰাজিল আৰু আৰ্জেণ্টিনা ।

গ্ৰুপ ৪- যুক্তৰাজ্য, জাৰ্মানী, ফ্ৰান্স আৰু ইটালী

গ্ৰুপ ৫- চীন, জাপান, ইণ্ডোনেছিয়া আৰু কোৰিয়া গণৰাজ্য