ভাৰত আৰু অষ্ট্ৰেলিয়াৰ মাজত ২০২৪-২৫ বৰ্ষৰ বৰ্ডাৰ-গাভাস্কাৰ ট্ৰফীৰ (বিজিটি) পঞ্চম আৰু অন্তিম খন খেল ছিডনী ক্ৰিকেট গ্ৰাউণ্ডত অনুষ্ঠিত হৈছিল।
এই খেলখনত ভাৰতীয় দলটোৱে ৬ উইকেটত পৰাজয়ৰ সন্মুখীন হ’ব লগা হৈছিল।অষ্ট্ৰেলিয়াৰ দলটোৱে জয়ৰ বাবে ১৬২ ৰাণৰ লক্ষ্য ৰাখিছিল।
এই বিজয়ৰ সৈতে অষ্ট্ৰেলিয়াই পাঁচখন খেলৰ টেষ্ট শৃংখলাত ৩-১ দখল কৰে। ৯ বছৰৰ পিছত অষ্ট্ৰেলিয়াই ভাৰতৰ বিৰুদ্ধে টেষ্ট শৃংখলা জয় লাভ কৰিছে ।
এই শৃংখলা জয়ৰ সৈতে, কেংগাৰু বাহিনীয়ে বিশ্ব টেষ্ট চেম্পিয়নশ্বিপ (ডব্লিউটিচি) ফাইনেলতো প্ৰৱেশ কৰিছিল। অষ্ট্ৰেলিয়াই এতিয়া ডব্লিউটিচিৰ ফাইনেলত দক্ষিণ আফ্ৰিকাৰ মুখামুখি হ’ব।
ডব্লিউটিচিৰ চলিত চক্ৰৰ ফাইনেল খন চলিত বৰ্ষৰ ১১-১৫ জুনৰ ভিতৰত ক্ৰিকেটৰ মক্কা লৰ্ডছত অনুষ্ঠিত হ’ব। ভাৰতীয় দলটোৱে একেৰাহে দুখন ফাইনেল খেলিছিল, য’ত তেওঁলোকে প্ৰথমে নিউজিলেণ্ড আৰু তাৰ পিছত অষ্ট্ৰেলিয়াৰ হাতত পৰাজিত হৈছিল।এতিয়া ভাৰতীয় দলটোৱে তৃতীয়বাৰৰ বাবে ডব্লিউটিচিৰ ফাইনেলত উপনীত হোৱাৰ সপোন ভংগ হৈছে।
ছিডনী টেষ্টত ভাৰতীয় দলৰ দ্বিতীয় ইনিংছ ১৫৭ ৰাণলৈ হ্ৰাস পায়। এই খেলখনত ভাৰতীয় দলে তেওঁলোকৰ প্ৰথম ইনিংছত ১৮৫ ৰাণ সংগ্ৰহ কৰে।ইয়াৰ প্ৰত্যুত্তৰত অষ্ট্ৰেলিয়াৰ প্ৰথম ইনিংছও ১৮১ ৰাণলৈ হ্ৰাস পাইছিল।
অৰ্থাৎ প্ৰথম ইনিংছৰ আধাৰত ভাৰতে চাৰি ৰাণৰ অগ্ৰগতি লাভ কৰিছে।ভাৰতে পাৰ্থত প্ৰথম টেষ্টখন ২৯৫ ৰাণত জয় লাভ কৰিছিল।
অষ্ট্ৰেলিয়াই এডিলেড টেষ্টত ১০ উইকেটত জয়লাভ কৰিছিল। ইয়াৰ পিছত, ব্ৰিছবেন টেষ্ট খন ড্ৰ হৈছিল। আনহাতে অষ্ট্ৰেলিয়াই মেলবৰ্ণ টেষ্টত ১৮৪ ৰাণত জয়লাভ কৰিছিল।
