আজিকালি ইউৰিক এচিড বৃদ্ধি হোৱাটো এটা সাধাৰণ সমস্যা হৈ পৰিছে, যিটো আমাৰ খাদ্যাভ্যাস আৰু জীৱনশৈলীৰ পৰিৱৰ্তনৰ বাবেই উদ্ভৱ হয় । শৰীৰত ইউৰিক এচিডৰ মাত্ৰা বৃদ্ধি হ’লে বাতবিষ, গাঁঠিৰ বিষ আৰু ফুলা আদি সমস্যাৰ সৃষ্টি হ’ব পাৰে । কিন্তু ইউৰিক এচিড কিছু ঘৰতে বনোৱা আৰু প্ৰাকৃতিক উপায়েৰে নিয়ন্ত্ৰণ কৰিব পৰা যায় আৰু তাৰ ভিতৰত এটা হ’ল নিম পাতৰ ব্যৱহাৰ । নিম পাত ঔষধি গুণৰ বাবে জনাজাত আৰু আয়ুৰ্বেদত বহু ৰোগৰ চিকিৎসাৰ বাবে ব্যৱহাৰ কৰা হয় । ইউৰিক এচিড নিয়ন্ত্ৰণৰ বাবে নিম পাত ঔষধতকৈ কোনো গুণে কম নহয় ।
নিম পাতৰ দ্বাৰা ইউৰিক এচিড কেনেকৈ নিয়ন্ত্ৰণ কৰিব পাৰি ?
নিমৰ পাতৰ ৰস-
প্ৰথমে সতেজ নিমৰ পাত ধুই পিহি ৰস উলিয়াব । এই ৰস দিনে এবাৰ পুৱা খালী পেটত খোৱাটো উপকাৰী প্ৰমাণিত হ’ব পাৰে । নিমৰ তিতা সোৱাদে ইউৰিক এচিডৰ মাত্ৰা হ্ৰাস কৰাত সহায় কৰে আৰু শৰীৰ বিষমুক্ত কৰে । ইয়াক নিয়মিতভাৱে সেৱন কৰিলে ইউৰিক এচিডৰ প্ৰভাৱ কমোৱাত সহায়ক হ’ব পাৰে ।
নিম চাহ-
ইউৰিক এচিড নিয়ন্ত্ৰণৰ বাবে নিম চাহ এক উত্তম উপায় । এই চাহ বনাবলৈ কিছু নিম পাত পানীত সিজাই ফিল্টাৰ কৰি এই পানী খাব লাগে । দিনটোত এবাৰ সেৱন কৰিব লাগে । এই চাহবিধত প্ৰচুৰ পৰিমাণে প্ৰদাহ নিবাৰণকাৰী গুণ থাকে, যিয়ে গাঁঠিৰ ফুলা আৰু বিষ কমোৱাত সহায় কৰিব পাৰে ।
নিম পাতৰ গুড়ি-
শুকান নিমৰ পাত পিহি গুড়ি বনাওক । এই গুড়ি দৈনিক সেৱন কৰিব লাগে । ইয়াক গৰম পানীৰ লগত বা মৌৰ লগত মিহলাই খাব পাৰি । এই ঔষধে শৰীৰৰ ভিতৰত ইউৰিক এচিডৰ ক্ৰিষ্টেল দ্ৰৱীভূত কৰাত সহায় কৰে আৰু ইউৰিক এচিডৰ মাত্ৰা নিয়ন্ত্ৰণ কৰে ।
নিমৰ পেষ্ট আৰু তেল-
নিম পাতৰ পেষ্ট বনাই আক্ৰান্ত গাঁঠিত লগালে ফুলা আৰু বিষৰ পৰা উপশম পোৱা যায় । ইয়াৰ উপৰিও নিম তেল ব্যৱহাৰ কৰিও আক্ৰান্ত অংশত মালিচ কৰিব পাৰি । এই ঔষধ ইউৰিক এচিডৰ লক্ষণ কমোৱাত সহায়ক হোৱাই নহয়, ছালৰ বাবেও উপকাৰী ।
নিম পাতৰ অন্যান্য উপকাৰীতা :
নিম পাতৰ বেক্টেৰিয়া প্ৰতিৰোধী, ভেঁকুৰ প্ৰতিৰোধী আৰু প্ৰদাহ নিবাৰণকাৰী গুণ আছে, যিয়ে শৰীৰৰ বহু সমস্যা দূৰ কৰাত সহায় কৰিব পাৰে । ইয়াৰ উপৰিও তেজ বিশুদ্ধ কৰা, ৰোগ প্ৰতিৰোধ ক্ষমতা বৃদ্ধি কৰা আৰু ছালৰ সমস্যা নিৰাময় কৰাত সহায়ক ।
সাৱধানতা :
-গৰ্ভৱতী মহিলা আৰু শিশুৱে চিকিৎসকৰ পৰামৰ্শ অবিহনে সেৱন কৰিব নালাগে ।
-অত্যধিক পৰিমাণে সেৱন কৰিলে পেটৰ সমস্যা বা দুৰ্বলতা হ’ব পাৰে, সেয়েহে সঠিক পৰিমাণতহে সেৱন কৰিব লাগে ।
-আপুনি যদি আন কোনো ৰোগৰ বাবে ঔষধ সেৱন কৰি আছে, তেন্তে নিম পাত খোৱাৰ পূৰ্বে চিকিৎসকৰ পৰামৰ্শ লওক ।
(এই বিষয়বস্তুৱে পৰামৰ্শকে ধৰি কেৱল সাধাৰণ তথ্যহে প্ৰদান কৰে । ই কোনো কাৰণতে যোগ্য চিকিৎসা মতামতৰ বিকল্প নহয় । অধিক তথ্যৰ বাবে সদায় বিশেষজ্ঞ বা চিকিৎসকৰ পৰামৰ্শ লওক ।)
