ধিঙৰ জাৰামাৰীত ভূমি বিবাদক লৈ এক ভয়ংকৰ ঘটনা সংঘটিত হৈছে। জুম্মাৰ নামাজ পঢ়ি আহি থকাৰ সময়তেই চোকা অস্ত্রৰে আক্ৰমণ বাহাৰুল ইছলামক।ছাদিকুল ইছলাম মুঞ্চী আৰু উবাইদুল ইছলামে দাৰে ঘপিয়াই দুটুকুৰা কৰিলে বাহাৰুল ইছলামৰ এখন হাত।
জানিব পৰা মতে বাহাৰুল ইছলাম আৰু ছাদিকুল ইছলাম মুঞ্চীৰ মাজত বহুদিন ধৰি এটুকুৰা মাটিক লৈ চলি আছিল বিবাদ। এই বিবাদৰ পৰিণতিতেই শুকুৰবাৰে বাহাৰুল ইছলামক আক্ৰমণ কৰে দুই ব্যক্তিয়ে।
আক্ৰমণৰ পিছতেই বাহাৰুল ইছলামক সংকটজনক অৱস্থাত নগাঁৱলৈ প্ৰেৰণ কৰা হয় । ঘটনাক লৈ জাৰামাৰী গাঁৱত চেপা উত্তেজনাই বিৰাজ কৰিছে। ঘটনাস্থলীত আৰক্ষী উপস্থিত হৈ আৰম্ভ কৰিছে তদন্ত ।
